✺Baburname

Anbohara va Poni Yoli yo‘li bila yurub Hashnag‘arning yuqori yoni bila Savod suyini o‘tub Yusuf Zayning Sangur Mohura to‘g‘rolig‘i tuzdagi olturg‘on afg‘onlarni kim Yusuf Zay va Muhammad Zay bo‘lg‘oy, ilg‘ab chopmoq kerak.

Yana yil ertarak ashliq vaqtida kelib bu afg‘onlar [?] ning fikrini bar-asl qilmoq kerak.

So‘zni munga qo‘yub tonglasi chahorshanba kuni Sulton Vays va Sulton Aloudding‘a otlar va xil’atlar inoyat qilib istimolatlar bila ruxsat berib ko‘chub Bajur to‘g‘risi tushuldi.

Shoh Mansurning qizini cherikdin murojaat qilg‘uncha Bajur qo‘rg‘onida qo‘yuldi.

Tonglasi ko‘chub Xoja Xizrdin o‘tub tushuldi.

Xoja Kalong‘a bu yurttin ruxsat berildi.

Uruq otliq bila ortuqsi cherik masolihini va og‘ir partolni Ko‘nar yo‘li bila Lamg‘ong‘a yiborildi.

Tonglasi ko‘chub partol-u tevani Xoja Mir Mirong‘a boshlatib Jurg‘otu va Darvoza yo‘li bila va Qaro Qo‘ba ko‘tali bila yiborib o‘zimiz jarida otliq bila ilg‘ab Anbohara ko‘tali bila oshib namoz-i digardin ertarak Poni Yolig‘a tushuldi.

Ug‘onberdini bir necha kishi bila til olg‘ali ilgarirak yiborildi.

Chun afg‘onlar bila oramiz yovuq edi, erta ko‘chmaduk.

Chosht bor edi kim Ug‘onberdi keldi.

Bir afg‘onni olib boshini kesibtur.