✺Baburname

Ko‘mak uchun obodon yigitlardin qalin kishi ta’yin qilib namoz-i shom o‘rdug‘a kelindi.

Tonglasi ko‘chub Bajurning jalgasida Bobo Qaro chashmasig‘a tushuldi.

Bir necha bandiy kim qolib edi, Xoja Kalonning shafoati bila gunohlarin bag‘ishlab ahl-u iyollarini alarg‘a qotib ruxsat berildi.

Ba’zi sultonlari va sarkashlari kim elga tushub edi, yasoqqa yetti.

Sultonlarning boshi bila bir necha bosh bu fath xabari bila Kobulg‘a yiborildi.

Badaxshon va Qunduz va Balxg‘a ham fathnomalar bila boshlar yiborildi.

Shoh Mansur Yusuf-zay kim Yusufzaydin kelib edi, bu fathda va bu qatl-i omda bor edi.

To‘n kiydurub Yusufzayga siyosatlar bila farmonlar bitib ruxsat berildi.

Bajur qurg‘onining muhimmotidin xotirjam’ qilib seshanba kuni oyining to‘qquzida ko‘chub bir kuro‘h qu-yiroq ushbu Bajur jalgasida o‘q tushub bir balandida kalla minora buyuruldi.

Chorshanba kuni Muharram oyining o‘nida sayr qila otlanib Bajur qal’asig‘a borib Xoja Kalonning uyida shurb majlisi bo‘ldi.

Bajur navohisidag‘i kofirlar bir necha tulumda chog‘irlar kelturdilar.

Bajurning chog‘iri va mevasi tamom navohisidag‘i Kofiristondin kelur.