✺Baburname

Agarchi barang‘or va o‘ng qo‘l va o‘ng yon va o‘ng bir ma’nisi bor, vale alfoz tag‘yiri bila tashxis uchun muxtalif ma’oniyg‘a men itloq qildim.

Nechuk kim maymana va maysara kim barang‘or va javong‘or derlar, yosolda qalbning kim g‘o‘l derlar doxili emas.

Munda bu nav’ yosolni ushul sarofati [?] bila barang‘or va javong‘or deyildi.

Yana g‘o‘l kim boshqo yosoldur, munung yamin-u yasorini imtiyoz uchun o‘ng qo‘l, so‘l qo‘l bitildi.

Yana g‘o‘lda kim yamin-u yasorini o‘ng yon va so‘l yon ataldi.

Yana xossa tobinida kim bo‘y yigitidur, turkiy lafzida mujarradni ham bo‘y derlar.

Munda ul bo‘y murod emasturdur, yaqin muroddur.

Munung yamin-u yasorini o‘ng va so‘l ataldi.

Barang‘or: Mirzo Xon, Sherim Tag‘oyi, Yorak Tag‘oyi og‘a-inilari bila, Chalma Mo‘g‘ul, Ayyub Beg, Muhammad Beg, Ibrohim Beg, Ali Sayyid Mo‘g‘ul mo‘g‘ullari bila, Sulton Ali Chehra, Xudoybaxsh va Abulhasan og‘a-inilari bila.

Javong‘or: Abdurrazzoq Mirzo, Qosim Beg, Tengriberdi, Qanbar Ali, Ahmad Elchi Bo‘g‘o, G‘uriy Barlos, Sayyid Husayn Akbar, Mir Shoh Qo‘chin.

Irovul: Nosir Mirzo, Sayyid Qosim Eshik Og‘o, Muhibb Ali Qo‘rchi, Popo o‘g‘li Allohveren Turkman, Sher Quli Qarovul Mo‘g‘ul og‘a-inisi bila, Muhammad Ali.

G‘o‘lda mening o‘ng qo‘lumda Qosim Ko‘kaltosh, Xusrav Ko‘kaltosh, Sulton Muhammad Do‘ldoy, Shoh Mahmud Parvochi, Qul Boyazid Bakovul, Kamol Sharbatchi.