✺Baburname

Beglar g‘alaba iztiroblar qildilar.

Forig‘ bo‘lub atlandim.

Chun g‘avg‘oyi g‘alat edi, bir zamondin so‘ngra bosildi.

Andin ko‘ch-bar-ko‘ch yurub kelib Guzarga tushtuk.

Munda ham bir necha so‘z-lashmak tarhini solduq; parvo qilmay inod-u sarkashlik maqomida o‘q edilar.

Yer-suni bilur davlatxohlar arz qildilar kim Qandahorg‘a kelur rudlarning boshi Bobo Hasan Abdol va Xalishak tarafidur.

Ul yuzga o‘tub Qandahorg‘a kelur rudlarni tamom yiqmoq kerak.

So‘zni munga qo‘yub sabohi jabalonib barang‘or javong‘or yasol yosob Xalishak sori ko‘chuldi.

Shoh Beg va Muqim Qandahor tog‘ining men tosh imorat qozdurg‘on tumshug‘ining ollida shomiyona tikib olturub edilar.

Muqimning kishisi tezlik qilib yig‘och orosida yaqinroq keldilar.

To‘fon Arg‘un kim Shahr-i Safo navohisida ekanda qochib kelib edi, yolg‘uz Arg‘unlarning yosoli soriroq sig‘inibtur.

Ishqulloh degan yetti sekiz kishi bila ayrilib tezrak kelur.

Ishqulloh yetti sekiz kishidin ilgarirak ayrilur.

To‘fon Arg‘un yolg‘uz borib ro‘baro‘ bo‘lub qilich olishib otdin yiqib boshini kesib men Sang-i Loxshak to‘g‘risidin o‘tkanda kelturdi.

Shugun tuttuq.

Chun bu yer mahallot va yig‘och orosi edi, mundo-q urushmoqni saloh ko‘rmay domana bila o‘tub Xalishakning ollida rudning Qandahor tarafidag‘i o‘langda yurt ta’yin qilib tushadur eduk kim Sher Quli Qarovul ildam kelib arz qildi kim yog‘i yosob yetishti.