✺Baburname

Borchani o‘z to‘qqonlar-imdin yaxshiroq ko‘rub rioyat-u shafqat qilibtur men.

Bu bitilganlardin g‘araz shikoyat emas.

Rost hikoyatdur kim bitibtur men.

Bu mastur bo‘lg‘onlar-din maqsud o‘zning ta’rifi emas.

Bayon-i voqi’i bu edi kim tahrir etibtur men.

Chun bu tarixda andoq iltizom qililibtur kim har so‘zning rostini bitilgay va har ishning bayon-i voqi’ini tahrir etilgay, lojaram oto og‘odin har yaxshiliq va yomonliq kim shoyi’ edi taqrir qildim va xesh-u begonadin har ayb-u hunar kim bayon-i voqi’ edi tahrir ayladim.

O‘qug‘uchi ma’zur tutsun, eshitguchi ta’arruz maqomidin o‘tsun.

Mundin qo‘pub Mirzo Xon olturg‘on chorbog‘qa kelib viloyatlarg‘a va aymoq va ahshomg‘a fathnomalar yiborildi.

Andin so‘ng otlonib arkka keldim.

Muhammad Husayn Mirzo Xonimning to‘shakxonasig‘a qo‘rqunchdin qochib kirib, to‘shakning bo‘g‘chasig‘a o‘zini bog‘latibtur.

Qurg‘ondag‘ilar-din Mirim Devonni va yana ba’zini qo‘yduq kim bu uylarni axtorib Muhammad Husayn Mirzoni topib kelturgaylar.

Xonimning eshikiga kelib durushtroq be-adabona-roq so‘zlar aytibtur.