✺Baburname

Yo‘l xud qirlab yuqori chiqar ekandur.

Ko‘tal-i Zarrin der emishlar.

Biz yuqori chiqmay dara quyi-o‘q induk.

Dabondin tupiga yetguncha kun kech bo‘ldi.

Dara og‘zida-o‘q qo‘nduq.

Ul oqshom bisyor zarb sovuq edi.

Asru ko‘p mashaqqat-u su’ubat bila ul oqshomni o‘tkarduk.

Ko‘p kishini ilik-ayog‘in sovuq eltti.

Kepaning ayog‘in, Suyunduk-Turkmanning ilikin, yana Axiyning ayog‘in ushul kecha sovuq eltti.

Ertasi dara quyig‘a-o‘q yuruduk.

Bovujud yo‘l emas ekanini bilib ko‘rub tavakkul qilib dara quyi-o‘q yuruldi.

Yomon uchma-segirtma yerlardin tushuldi.

Kech namoz-i shom edi kim daraning og‘zig‘a chiqtuk.

Hech qori-ulug‘ yod bilmas kim bu ko‘talning mundoq ulug‘ qori bor erkanda kishi ubur etmish bo‘lg‘oy.

Balki bu faslda ma’lum emas kim bu ko‘taldin ubur etmak kishining ko‘ngliga yetmish bo‘lg‘oy.

Agarcha ulug‘ qordin necha kun xayli tashvish ko‘rduk, vale oxir ushbu ulug‘ qor sababidin o‘zumizni manzilg‘a yetkurduk, ne uchun kim agar mundoq ulug‘ qor bo‘lmasa, andoq berah uchma-segirtmadin kim o‘ta olg‘oy edi?