✺Baburname

Tavakkul qilib Sulton Pashoyiyni ilgari solib ushbu yo‘lg‘a-o‘q kim yo‘l topa olmay yonilib edi, bo‘lduk.

Ul necha kun bisyor tashvish-u mashaqqatlar tortildi, andoq kim muddat ul-umr muncha mashaqqat kamroq tortilib edi.

Bu matla’ni ushul fursatta aytildi: Charxning men ko‘rmagan javr-u jafosi qoldi mu?

/ Xasta ko‘nglum chekmagan dard-u balosi qoldi mu?

Bir haftag‘a yovuq qor tepib kunda bir shar’iy, bir yarim shar’iydin ortuq ko‘chulmas edi.

Qor tepar kishi men edim, o‘n-o‘n besh ichki bila, va Qosim Beg edi.

Ikki o‘g‘li Tengri-berdi va Qanbar Ali bila yana ikki-uch navkari ham bor edi.

Ushbu mazkur bo‘lg‘onlar yayoq yurub qor tepar eduk.

Har kishi yeti-sekiz, o‘n qori ilgari yurub qor tepar edi.

Har qadam qo‘yg‘onda beligacha, ko‘ksigacha bota-bota qor tepar edi.

Bir necha qadam borg‘ondin so‘ng ilgariki kishining xamli kuyub turar edi.

Yana bir kishi ilgari o‘tar edi.

Bu o‘n-o‘n besh-yigirma kishi yayoq qorni kim tepar edi, ancha bo‘lur edi kim bo‘sh otni tortsa bo‘lur edi.

Bo‘sh otni tortilur edi; uzangusigacha, qabtolig‘acha ko‘p-ko‘p bota-bota bu bo‘sh ot ham o‘n-o‘n besh qadamcha yo‘l yurub toqilur edi.

Bu otni yaqacha tortib yana bir bo‘sh otni ilgari tortilur edi.

Ushbu dastur bila biz o‘n-o‘n besh-yigirma kishi-o‘q qor teptuk.