✺Baburname

Otamdin so‘ng Xoja Qozining yumn-i qadamidin zohid-u muttaqiy edim.

Shubhaliq ta’omdin ijtinob qilur edim.

Ne joy ul kim chog‘ir irtikob qilg‘oy men?

So‘ngralar yigitlik havosidin va nafs taqozosidin kim chog‘irg‘a mayl paydo bo‘ldi, taklif qilur kishi yo‘q edi, balki chog‘irg‘a maylimni bilur kishi yo‘q edi.

Ko‘nglum agarchi moyil edi, mundoq qilmag‘on amrni o‘zluk bila qilmoq mushkil edi.

Xotirg‘a kechti kim: «Chun muncha taklif qiladurlar, yana Heriy dek orosta shahrig‘a kelibtur biz kim jami’ aysh-u ishrat asbob-u oloti mukammal-u muhayyo va bori takalluf-u tana’um ashyo-u adavoti omoda-u paydo, holo ichmasam, qachon ichar men?» deb ichmakka azm qildim va bu vodiyni tay qilmoqni jazm qildim, vale xotirg‘a kechti kim Badi’uzzamon Mirzo og‘odur.

Aning elikidin va aning u-yida ichmay inisining elikidin va inisining uyida ichsam, xotirg‘a nima kelgay deb bu taraddudumni ayttim.

Bu uzrumni ma’qul deb bu suhbat ta chog‘ir taklifi qilmadilar.

Muqarrar andoq bo‘ldi kim Badi’uzzamon Mirzo bila Muzaffar Mirzo bir yerda bo‘lg‘onda ikalov mirzoning taklifi bila ichilgay.

Majlista nag‘ma ahlidin Hofiz Hoji edi, Jaloliddin Mahmud Noyi edi, G‘ulom Shodiyning inisi Shodiy Bacha edi.