✺Baburname

Avval Poyanda Sulton Begim bila yukunub ko‘rushtum.

Andin so‘ng Ofoq Begim bila yukunmay ko‘rushtum.

Andin keyin Xadicha Begim bila yukunub ko‘rushtum.

Bir zamon munda olturub hofizlar Qur’on o‘qug‘ondin so‘ng janubi madrasada kim Xadicha Begim ning uyini tikib edilar, borduq.

Xadicha Begimning oshini torttilar.

Osh tortilg‘ondin keyin Poyanda Sulton Begimning uyiga bordim.

Ul kecha anda bo‘ldum.

Avval manga Bog‘-i Navda yurt berdilar, ta’yin qilib edilar.

Tonglasi kelib Bog‘-i Navda tushtum.

Bog‘-i Navda bir kecha bo‘ldum.

Oni munosib ko‘rmay Alisher Begning uylarini ta’yin qildilar.

Heriydin chiquncha Alisher Begning uylarida edim.

Har iki uch kunda borib Bog‘-i Jahonoroda Badi’uzzamon Mirzog‘a ko‘runush qilur edim.

Necha kundin so‘ng Muzaffar Mirzo uyiga chorladi.

Muzaffar Mirzo Bog‘-i Safidda olturur edi.

Xadicha Begim anda edi.

Jahongir Mirzo mening bila bordi.

Xadicha Begim qoshida osh-u ta’om tor-tilg‘ondin keyin Muzaffar Mirzo bizni Bobur Mirzo solg‘on Tarabxona otliq imoratqa eltti.

Tarabxona da chog‘ir majlisi bo‘ldi.

Tarabxona bog‘chaning o‘rtasida voqi’ bo‘luptur.

Muxtasarroq imorattur.

Iki oshyonaliq, vale shiring‘ina imorattur.

Yuqorig‘i oshyonda takalluf ko‘prak qilibturlar.

To‘rt kunjida to‘rt hujradur.

O‘zga bu to‘rt hujraning o‘rtasi va mobaynlari tamom bir uy doxili-dur.