✺Baburname

Ol majlisda bor edilar.

Kayfiyat bo‘lg‘onda Mir Badr raqs qildi.

Xub raqs qildi.

G‘olibo ul nav’ raqs Mir Badrning ixtiro‘idur.

Mirzolar Heriydin chiqib ittifoq qilib yig‘ilib Murg‘obqa kelguncha uch to‘rt oy bo‘ldi.

Sulton Quli Chanoq bi-tang kelib Balx qal’asini O‘zbekka berdi.

O‘zbek Balxni olg‘ondin so‘ng bu jam’iyatning istimo‘idin Samarqandg‘a muroja’at qildi.

Bu mirzolar, agarchi suhbat va suhbat oroyliqta va ixtilot-u omizishda tavri edilar, vale sipohiliq rev-u rangidin yiroq va mardonaliq jang-u jadaldin qiroq edilar.

Murg‘obda olturg‘on mahallarda xabar keldi kim Haqnazar Chipo to‘rt besh yuz kishi bila kelib Chichaktu navohisini chopti.

Borcha mirzolar hozir bo‘lub har necha qilib bu chopqunchi ning ustiga ilg‘or ayira olmadilar.

Murg‘ob bila va Chichaktuning orasi o‘n yig‘och yo‘ldur.

Bu ishni men tiladim.

Nomus qilib manga ham ruxsat bermadilar.

Chun Shayboq Xon yondi, yil ham kech bo‘lub edi, andoq qaror topti kim bu qish mirzolar har qaysi bir munosib yerda qishloq, erta yoz jam’iyat g‘anim daf’ig‘a mutavajjih bo‘lg‘oylar.

Manga ham Xuroson navohisida qishloq taklifi qildilar.

Chun Kobul va G‘azni pur-shar-u sho‘r yerlar edi, Turk va Mo‘g‘uldin va aymoq-u ahshomdin va Afg‘on va Hazoradin muxtalif el-u ulus anda yig‘ilib edilar.