✺Baburname

Ali Sher Beg va ba’zilar man’ qilibturlar.

So‘ngralar xud jami’ ish kuchi sunnat va jamoat mazhabi bila muvofiq edi.

Mafsal zahmati jihatidin namoz qila olmas edi.

Ro‘za ham tutmas edi.

Harrof-u xushxulq kishi edi.

Xulqi bir nima guzaroroq voqi’ bo‘lub edi.

So‘zi ham xulqi dek edi.

Ba’zi muomalotta shar’ni bisyor rioyat qilur edi.

Bir qatla bir o‘g‘li bir kishini o‘lturgan uchun qonliqlarig‘a topshurub dor ul-qazog‘a yibordi.

Avval taxt olg‘on mahalda olti yetti yil toyib edi.

Andin so‘ngra ichkuga tushti.

Qirq yilg‘a yovuq kim Xurosonda podshoh edi.

Hech kun yo‘q edi kim namoz-i peshindin so‘ng ichmagay, vali hargiz sabuhiy qilmas edi.

O‘g‘lonlari va jami’ sipohig‘a va shahriyg‘a bu hol edi.

Ifrot bila aysh-u fisq qilurlar edi.

Shujo’ va mardona kishi edi.

Borlar o‘zi qilich yetkurubtur, balki har ma’rakada borlar qilich yetkurubtur.

Temur Beg naslidin hech kim ma’lum emas kim Sulton Husayn Mirzo-cha qilich chopmish bo‘lg‘ay.

Tab’-i nazmi bor edi.

Devon ham tartib qilib edi.

Turkiy aytur edi.

Taxallusi Husayniy edi.

Ba’zi baytlari yomon emastur, vali Mirzoning devoni tamom bir vazndadur.

Bovujud kim ham yosh ham saltanat bila ulug‘ podshoh edi, kichik-lar dek qo‘chqor saxlab kabutar o‘ynar edi.