✺Baburname

Boqini o‘lturub xotunini oldi.

Agarchi biz Boqig‘a hech yomonliq qilmay qo‘ya berduk, vale o‘z yomonlig‘i olig‘a kelib o‘z amalig‘a giriftor bo‘ldi.

Tu badkunandayi xudro ba ro‘zgor sipor; ki ro‘zgor turo chokarist kinaguzor.

Bu qish bir iki qatla qor yog‘quncha Chorbog‘da-o‘q olturub eduk.

Biz Kobul kelgali Turkman Hazorasi anvo’i beadabliqlar va rahzanliqlar qilib edilar.

Alarni chopmoq xayol qilib shahrda Ulug‘ Beg Mirzoning Bo‘ston Saroy otlig‘ imoratig‘a kirib andin Sha’bon oyida Turkman Hazorasini chopa otlanduq.

Darayi Xush og‘zida Changlikta chopqun qo‘yduq.

Ozog‘loq Hazora chopildi.

Darayi Xush yovuqida bir sumchda bir pora Hazora yoshung‘on ekandur.

Shayx Darvesh Ko‘kaltosh, kim aksar qazoqliqlarda bila edi, qo‘rbeglik mansabi anda edi.

Yoyni kuchluk tortar edi, o‘qni xo‘b otar edi.

Bu sumchning og‘zig‘a g‘ofil yovuq-o‘q kirib borur.

Ichkaridin bir Hazora emchakiga o‘q o‘qlar.

Ushul kun-o‘q o‘ldi.

Turkman Hazorasining ko‘praki Darayi Xushta qishlog‘on ekandur.

Alarning ustiga mutavajjih bo‘lduq.

Darayi Xush tavr dara tushubtur.

Yarim kuro‘hga yovuq dara og‘zida tangi tushubtur.

Yo‘l tog‘ning kamarida voqi’ bo‘lubtur.