Chagatay
پمغان کنتی نینک اویلاری تمام ییقیلدی
Turkish
Pamgan köyündeki evlerin hepsi yıkıldı.
English
Not yet available.
Aa
Bookmarks (0)
Open a passage to bookmark it.
Saved in this browser.Manuscript folio 157b
Choose languages
Page 313 of 762
Chagatay
یتمیش سیکسان آبدان کدخدالار تام آستیغه قالیب اولدیلار
Turkish
Yetmiş seksen saygın aile reisi duvar altında kalarak öldü.
English
Not yet available.
Chagatay
لمغان بکتوت آراسیده بر پارچه یر کیم عرضی برکیتا تاش آتیمی بولغای اوچوب بر اوق آتیمی قویی باردی
Turkish
Lamgan ile Biktut arasında eni kuvvetle atılmış bir taşın menzili kadar olan bir toprak parçası kopup bir ok atımı aşağıya gitti.
English
Not yet available.
Chagatay
اوچقان یرنینک اوزیدین چشمه لار پیدا بولدی
Turkish
Kopan yerin kendisinden pınarlar çıktı.
English
Not yet available.
Chagatay
استرغچ دین میدانغه چه تخمیناً آلتی یتی ییغاچ یول بولغای یر انداق یاریلیب ایدی کیم بعضی طرفی پیلچه پست یاریلغان یرکا بعضی یرده کیشی سیغار ایردی
Turkish
İstargaç’tan Meydan’a kadar tahminen altı yedi yıgaç yolda toprak öyle yarılmıştı ki bazı tarafları bir fil boyu çökmüştü; kimi yarıklara insan sığardı.
English
Not yet available.
Chagatay
زلزله بولغان زمان جمیع تاغ لارنینک باشیدین کردلار قوپتی
Turkish
Deprem sırasında bütün dağların tepelerinden tozlar yükseldi.
English
Not yet available.
Chagatay
نورالله طنبوره چی قاشیمدا ساز چالادور ایدی
Turkish
Nûrullah Tanburacı yanımda saz çalıyordu.
English
Not yet available.
Chagatay
ینه بر ساز هم بار ایدی
Turkish
Bir saz daha vardı.
English
Not yet available.
Chagatay
اوشال زمان هر ایکی سازنی الیکی کا آلدی
Turkish
Tam o anda iki sazı da eline aldı.
English
Not yet available.
Chagatay
انداق بی اختیار بولدی کیم سازلار بربرکا اوروندی
Turkish
Öyle kendini kaybetti ki sazlar birbirine çarptı.
English
Not yet available.
Chagatay
جهانکیر میرزا تپه ده اولوک بیک میرزا سالغان عمارت لاردین بر بالاخانه نینک ایوانیده ایدی
Turkish
Cihangir Mirza tepede, Uluğ Bey Mirza’nın yaptırdığı binalardan birinin üst katındaki eyvandaydı.
English
Not yet available.
Chagatay
زلزله بولغاچ اوزینی تاشلادی آسیبی یتمادی
Turkish
Deprem olunca kendini aşağı attı; zarar görmedi.
English
Not yet available.
Chagatay
جهانکیر میرزانینک یاووق لاریدین بر اوشبو بالاخانه ده ایکاندور
Turkish
Cihangir Mirza’nın yakınlarından biri de o üst kattaymış.
English
Not yet available.
Chagatay
بالاخانه تامی اوستیکا ییقیلیب تور
Turkish
Üst katın damı üzerine yıkılmış.
English
Not yet available.
Chagatay
تنکری ساخلاي هیچ یری کا آزاری یتمادی
Turkish
Tanrı korumuş, hiçbir yerine zarar gelmemiş.
English
Not yet available.
Chagatay
تپه داکی اویلار اکثر توز بولدی
Turkish
Tepedeki evlerin çoğu dümdüz oldu.
English
Not yet available.
Chagatay
اوشول کون اوتوز اوچ قاتلا یر تیبراندی
Turkish
O gün yer otuz üç kez sallandı.
English
Not yet available.
Chagatay
قورغان نینک برج و باروسینینک شکست و ریختی نی بیکلارکا و سپاهی لارغه فرمان بولدی کیم اصلاح و مرمت قیلغای لار
Turkish
Kalenin burçlarıyla surlarındaki yıkık ve dökük yerleri beylerin ve askerlerin onarmaları emredildi.
English
Not yet available.