✺Baburname

Yo‘l bu dara bila borur.

Ko‘chub bu darag‘a kirganda Kuhatning ul navohining afg‘onlari tamom yig‘ilib daraning ikki tarafidog‘i tog‘ ustiga chiqib suron solib g‘avg‘o qila boshladilar.

Malik Bu Sa’id Kamariy kim jami’ Afg‘onistonni yaxshi bilur edi, bu yurushda boshchi ul edi, arzg‘a yetkurdi kim: Ilgariroq yo‘l-ning rost tarafida porcha tog‘ tushub tur.

Agar bu afg‘onlar bu tog‘din ul tog‘ o‘tsalar, boshqa tog‘dur, chirmab olsa bo‘lur.

Tengri rost kelturub bu afg‘on-lar ayrishib kelib ush ul porcha tog‘qa chiqdilar.

Bir pora yigitlarni yiborildi kim fi-l-hol ikki tog‘ning orosidog‘i gardanani olg‘aylar.

O‘zga cherik eliga farmon bo‘ldi kim ul yuzdin bu yuzdin tushluq tushidin yurugan bila urusha ham olmadilar.

Bir zamonda yuz yuz ellik afg‘onni chopqulab olib ba’zisini tirig, aksarining boshini kelturdilar.

Afg‘on-lar urushmoqdin ojiz bo‘lsalar, g‘animlarining ollida o‘t tishlab kelur emish, ya’ni: Men sening uyungdur men, degan emish.

Bu rasmni anda ko‘rduk.