✺Baburname

Xurd Kobul-u Surxob tarafi quloni ham bo‘lur.

Oq kiyik xud aslo yo‘qtur.

G‘aznining oq kiyiki va quloni xo‘b [?] bo‘lur.

G‘aznining oq kiyiki-cha semiz kiyik kam yerda bo‘lg‘oy.

Yozlar Kobul qushlog‘i qalindur.

Aksar qushining guzari Boron yoqasidur, ne uchun kim sharqi tog‘lardur, g‘arb tarafi ham tog‘lardur.

Ushbuning to‘g‘risidin, kim Boron yoqasi bo‘lg‘oy, bir ulug‘ Hindukush ko‘talidur va pas o‘zga ko‘tal yo‘qtur.

Bu jihattin tamom qushlar muning bila o‘tar.

Agar yel bo‘lsa yo Hindukush ko‘tali ustida andak bulut bo‘lsa qushlar o‘ta olmas.

Tamom Boron tuziga tushar.

Bu mahal ol navohidog‘i ellar qalin qush olurlar.

Boron yoqasi-da qishning oxirlarida o‘rdak qalin kelur.

Bisyor semiz bo‘lur.

Andin so‘ngra turna va qarqara ulug‘ qushlar qalin va behad bo‘lur.

Boron yoqasida turnag‘a tinob otib tinob bila qalin tutarlar.

Uqor va qarqara va qutonni ham tinob bila qalin tutarlar.

Bu nav’ qush tutmoq g‘ayr-i mukarrardur.

Tutmoqning kayfiyati bu turlukdur kim bir gaz otimi inchka tinob esharlar.

Bu tinobning bir uchida gazni berkiturlar.

Yana bir uchida shoxdin bildurga yasabturlar.

Bu bildurgani berkiturlar.

Yana bir bilakcha yig‘ochdur.