✺Baburname

Sajovand ham Luhugar kentlaridindur.

Xoja Yunus bu Sajovanddindur--lar.

Charxning bog‘oti qalindur.

Luhugarning o‘zga kentlarida bog‘ bo‘lmas.

Afg‘on-shol el-Kobulda bu lafz shoyi’dur.

G‘olibo afg‘on-shi’ordur kim afg‘on-shol derlar.

Yana bir G‘azni viloyat--idur.

Ba’zi tuman ham derlar.

Sabuktegin bila Sulton Mahmudning va avlodining poytaxti G‘azni ekandur.

Ba’zi G‘aznin ham bitib turlar.

Sulton Shahobiddin G‘uriyning ham poytaxti bu ekandur.

Bu Sulton Shahobiddinni Tabaqot-i Nosiriyda va ba’z--i Hind tarixida Mu’izziddin bitib turlar.

Uchunchi iqlimdindur.

Zobul ham derlar.

Zobuliston bu viloyattin iborattur.

Ba’zi Qandahorni ham Zobuliston doxili tutub turlar.

Kobul--din g‘arbqa boqa o‘n to‘rt yig‘och yo‘ldur.

Bu yo‘lni borg‘onlar tong boshida G‘aznidin tebrab ikki namoz orasi va namoz-i digar Kobulg‘a borilib tur.

Odinapur kim o‘n uch yig‘och yo‘l--dur, yo‘lning yomonlig‘idin hargiz bir kunda kelilgan emas.

Muhaqqar viloyattur.

Rudi to‘rt besh tegirman suyi bo‘lg‘oy.

G‘aznining shahri yana to‘rt besh kenti ushbu su bila ma’murdur.

Yana uch to‘rt kenti koriz bila ma’murdur.

Kobul uzumidin G‘azni uzumi yaxshiroq bo‘lur.

Qovuni ham Kobul qovunidin ortuqroqdur.

Olmasi ham yaxshi bo‘lur.