✺Baburname

Chashmaning ollida kim dasht tarafi bo‘lg‘oy, qalin arg‘uvonzor voqi’ bo‘luptur.

Bu viloyatta ushbu arg‘uvonzordin o‘zga arg‘uvonzor aslo yo‘qtur.

Derlar kim bu uch jins daraxt uch azizning karomatidur.

Siyoron vajh-i tasmiyani buni derlar.

Bu chashmaning atrofini men sangkorliq qildurdum.

Chashmani gach va soruj bila dah-dar-dah qildurdum.

Bu chashmaning chor-haddi siyoqliq go‘nyoliq taxti bo‘ldi, tamom arg‘uvonzorg‘a mushrif.

Arg‘uvon guli ochilg‘on mahalda buncha yer ma’lum emas kim olamda bo‘lg‘oy.

Soriq arg‘uvoni ham bisyor bo‘lur.

Soriq arg‘uvon bila qizil arg‘uvon domanada darham ochilurlar.

Bu chashmaning g‘arb-janub tarafida bir daradin hamisha yarim tegirman suyi joriydur.

Bu suni men ariq qazdur--rub Siyoronning g‘arb-janub tarafidagi pushtaning ustiga kelturdum.

Pushta--ning ustida uluq gird suffa soldurdum.

Suffaning girida tamom nosh [?] daraxt--lari ekildi.

Xayli yaxshi manzil bo‘ldi.

Bu suffadin yuqorroq pushtaning yonida uzum bog‘i soldurdum.

Bu ariqning tarixi «juy-i xush» topildi.

Yana Luhugar tuman--idur.

Uluq kenti Charxdur.

Hazrat-i Mullo Ya’qub bu Charxdindur.

Mullozoda Mullo Usmon ham Charxiydur.