✺Baburname

Ozroq berurlar.

Chag‘on Saroy suyi sharq-shimoli tarafidin Kofiristonning ichi bila kelib bu viloyatning orasi bila o‘tub Koma bo‘lukida Boron suyig‘a qo‘shulub sharq-qa boqa oqar.

Nurgil bu suning g‘arb tarafidur, Kunar sharq tarafi.

Mir Sayyid Ali Hamadoniy rahmatulloh, sayohat qilib kelib Kunardin bir shar’iy yuqqoriroq naql qilib tur.

Muridlar-i mundin Xatlong‘a eltibturlar.

Naql qilg‘on yerlari holo mazori bo‘lubtur.

Tarix-i to‘qquz yuz yigirmada kim Chag‘on Saroyni kelib oldim, tavof qilib edim.

Noranj va turunj va kirinji bisyor bo‘lur.

Tund chog‘irlar ham Kofiristondin keltururlar.

Bu el ajab nema rivoyat qildilar.

Muhol ko‘runadur, vale bu xabar tavoturg‘a yetishti.

Bu tumanning qo‘yi ayog‘i kim Lamata Kenti derlar, kim andin qo‘yi Dara-i Nur va Atarg‘a muta’alliqdur.

Ushbu Lamata Kentidin yuqqori tamom bu ko‘histonda kim Kunar va Nurgil va Bajur va Savod va ol navohi bo‘lg‘ay, bu shoyi’dur kim har xotun kim o‘lsa, ani qatqa solib to‘rt tarafidin tutub ko‘tarurlar.

Agar yomon ish qilmag‘on bo‘lsa, bu ko‘targanlarni bexost mutaharrik qilur.

Bu martabada agar takalluf qilib o‘zlarini soxlasalar, o‘luk qattin tushar.

Agar yomon harakat qilg‘on bo‘lsa, harakat qilmas.

Muni yolg‘uz bu eldin eshitilmadi.

Bajur va Savod va jami’ bu ko‘histon elining muttafiqul-kalima bu harfni rivoyat qildilar.