✺Baburname

Tog‘lardin va tangilardin qutto’ ut-tariq kofir kamtur [?].

Xuroson tarafidin kelur yo‘l Qandahor bila kelur.

Bu yo‘l tuptuz yo‘ldur.

Bu yo‘lda ko‘tal yo‘qtur.

Hinduston tarafidin to‘rt yo‘l chiqar.

Bir yo‘l Lamg‘onot bila; bu yo‘lda Xaybar tog‘larida ozroqcha ko‘tal bor.

Yana bir yo‘l Bangash bila, yana bir yo‘l Nag‘ar bila, yana bir yo‘l Farmul bila.

Bu yo‘llarda ham ozroqcha ko‘tallar bor.

Sind suyining uch guzaridin o‘tub bu yo‘llar bila kelurlar.

Nilob guzaridin o‘tganlar Lamg‘onot bila kelurlar.

Qish-lar Kobul suyi bila Sind suyining qotilishidin yuqoriroq Sind suyini va Kobul suyini guzar bila o‘tarlar.

Men aksar Hinduston cheriklariga keldim, guzarlar bila o‘ttum.

Bu navbat kim kelib Sulton Ibrohimni bosib olib Hindustonni fath qildim, Nilob guzaridin kema bila o‘ttum.

Ush mundin o‘zga Sind suyidin hech yerdin kemasiz o‘tsa bo‘lmas.

Dinkut guzari bila o‘tganlar Bangash bila kelurlar.

Chupora guzari bila o‘tganlar agar Farmul bila kelsalar G‘azni kelurlar, agar Dasht bila borsalar Qandahor borurlar.

Muxtalif aqvom Kobul viloyatida bordur.

Jo‘lgasida va tuzlarida Atrok va Aymoq va Arabdur.

Shahrida va ba’zi kentlarida Sortlardur.

Yana ba’zi kentlarida va viloyatida Pashoyi va Parochiy va Tojik va Barakiy va Afg‘ondur.