✺Baburname

Atrofida to‘rt xub o‘lang voqi’ bo‘lubtur.

Sharq-shimoli tarafi So‘ng Qo‘rg‘on o‘langidur.

Kobuldin ikki kuro‘h bo‘lg‘oy.

Yaxshi o‘langdur.

Oti otqa sozvordur.

Chibini kam bo‘lur.

G‘arb-shimoli Cholok o‘langidur.

Kobuldin bir kuro‘hdur.

Keng o‘langdur.

Yozlar chibini otqa tashvish berur.

G‘arbi Divrin o‘langi, yana bir Qush Nodir o‘langi.

Bu hisob bila besh o‘lang bo‘lg‘oy.

Har ikki o‘lang Kobuldin birar shar’iy bo‘lg‘oy.

Muxtasar o‘langlardur, vali oti otqa bisyor sozvordur, chibini bo‘lmas.

Kobul o‘langlarida bu o‘langlarcha o‘lang yo‘qtur.

Sharqi Siyah Sang o‘langidur.

Charmgarlar darvozasi bila bu o‘lang arosida vosita Qutluq Qadamning go‘rxonasidur.

Yozlar chibini ko‘p bo‘lur uchun bu o‘lang-ni kam qo‘rurlar.

Bu o‘langga payvast Kamariy o‘langi ham bor.

Bu e’tibor bila Kobul girdida olti o‘lang bo‘lg‘oy, vali to‘rt o‘lang mashhurdur.

Kobul viloyattur.

Yog‘ini viloyatqa kirmagi mushkildur.

Balx va Qunduz va Badaxshon bila Kobul arosida Hindukush tog‘i tushubtur.

Bu tog‘din yeti yo‘l oshar; uch yo‘l Panjshirdadur.

Yuqoriroq Xovok ko‘talidur, andin quyiroq Tul, andin quyiroq Bozorak.

Bu uch ko‘taldin yaxshirog‘i Tuldur, vali yo‘li bir nima uzunroqdur, g‘olibo bu jihatdin Tul derlar.