✺Baburname

Qal’aning janubi, Shoh Kobulning sharqida bir ulug‘ ko‘l tushubtur.

Girdogirdi bir shar’iyg‘a yovushur.

Shoh Kobul tog‘idin Kobul sori boqa uch kichikrak chashma chiqar.

Ikki-si Gulkina navohisidadur, bir chashma boshida Xoja Shamu otliq mozordur.

Yana birida Xoja Xizrning qadamgohidur.

Bu ikki yer Kobul elining gashtgohidur.

Yana bir chashma Xoja Abd us-Samad to‘g‘risidadur, Xoja Rushanoyiy derlar.

Shoh Kobul tog‘idin bir tumshuq ayrilib kelibtur, Aqobayn derlar.

Aqobayndin boshqa yana bir parchag‘ina tog‘ tushubtur.

Kobul qal’asining arki bu tog‘ning ustidadur.

Ulug‘ qo‘rg‘on arkning shimoli tarafidadur.

Bu ark g‘arib murtafi’ va yaxshi havoliq yer voqi’ bo‘lubtur.

Bu ulug‘ ko‘l va uch o‘langga, kim Siyoh Sang va So‘ng Qo‘rg‘on va Cholok bo‘lg‘oy, mushrifdur.

Borcha oyoq ostidadur.

O‘langlar sabzaliq mahallida bisyor yaxshi ko‘runur.

Yozlar Kobulda shimoli yeli kam emas.

Parvon yeli derlar.

Arkta shimoli sori darichaliq uylar asru xushhavodur.

Mullo Muhammad Tolib Muammoiy Kobul arkining ta’rifida bir baytini Badi’ uz-Zamon Mirzo otig‘a bog‘lab o‘qur edi kim: Bixur dar arg-i Kobul may, bigardon kosa pay dar pay; ki ham ko‘h ast-u ham daryo-vu ham shahr ast, ham sahro.