✺Baburname

Meni bir yo‘lg‘a boshlang kim Xonlar qoshig‘a boray.

Sizlar-ga ko‘ngullaringiz tilagandin ortuqroq rioyat-u shafqat qilay.

Yo‘q, agar muni qilmasangiz kelgan yo‘lungiz bila yoning.

Mening olim otig‘im [?].

Bu ham bir yaxshi xizmattur.”

Dedilar kim: “Koshki kelmasak edi.

Chun kelduk, sizni mundoq solib ne tavr yonoling?

Chun bormay siz, har qayon borsangiz xizmatta bo‘lg‘umizdur.”

Men dedim: “Pas sidqi qavlungizg‘a ahd qiling!”

Mushaf-u mug‘allaza bila ahd qildilar.

Manga filhol itminone bo‘ldi.

Dedim kim: “Ushbu daraning yaqinida Keng Qul yo‘lini nishon berib edilar.

Ushul yo‘lg‘a boshlang.”

Agarchi ahd qildilar, vale itminon tamom bo‘lmaydur edi.

Alarni ilgari yurutub keyinlaricha yurudum.

Bir iki kuro‘h yo‘l borilib edi.

Bir soy suyig‘a yettuk.

Dedim kim: “Keng Qul yo‘li ushbu bo‘lmag‘ay?”

Bular istib’od qildilar, dedilar kim: “Ul yo‘l xayli ilgaridur.”

Keng Qul yo‘l xud ush ul ekandur.

Bular g‘adr maqomida bo‘lub yoshurupturlar.

Yarim kechagacha borib yana bir sug‘a yettuk.

Bular bu zamon ayttilar kim: “G‘ofil bo‘luptur biz.

Keng Qul yo‘li keyin qolmish.”

Dedim kim: “Pas ne qilmoq kerak?”

Dedilar kim: “Ollimizda G‘ovo yo‘li yaqindur.

Ul yo‘l bila Firkatqa oshar-lar.”