Baburname

Demir Barlas

Page 218 · 110a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 110a
Choose languages

Page 218 of 762

Languages

Chagatay

اخسی نینک یوقاریقی کنت لاری نینک توغری سیدین دریانی اوتوب باریب پاپ قورغانیغه کیردیلار

Turkish

Ahsî’nin yukarı köylerinin karşısından ırmağı geçip Pap kalesine girdiler.

English

Not yet available.

Languages

Chagatay

بر نیچه کوندین کیین غریب امری واقع بولدی

Turkish

Birkaç gün sonra şaşırtıcı bir olay oldu.

English

Not yet available.

Languages

Chagatay

اول محل ابراهیم چاپق طغای احمد قاسم کوهبر قاسم ختیکه [؟] ارغون شیخ بایزید بیله اخسی دا ایدیلار

Turkish

O sırada İbrahim Çapuk Tagayı, Ahmed-i Kasım Kuhbur ve Kasım Hitike [?] Argun, Şeyh Bayezid ile Ahsî’deydiler.

English

Not yet available.

Languages

Chagatay

بو مذکور بولغان لارغه ایکی یوزچه آبادان ییکیت لارنی قوشوب غافللیغین بر کیچه پاپ قورغانی نینک اوستیکا یبارور

Turkish

Bu adı geçenlere iki yüz kadar seçkin yiğidi katıp bir gece ansızın Pap kalesinin üstüne gönderir.

English

Not yet available.

Languages

Chagatay

سید قاسم احتیاط قیلمای غافل یاتقان ایکاندور

Turkish

Seyyid Kasım tedbir almadan, gafilce yatmış.

English

Not yet available.

Languages

Chagatay

قورغانغه یتیب شاتو قویوب چیقیب دروازه نی آلیب پل روان سالیلب یتمیش سیکسانچه آبادان یراغلیغ ییکیتلار کیرکاندا سید قاسمغه خبر بولور

Turkish

Kaleye gelip merdiven dayayarak çıkarlar; kapıyı ele geçirip asma köprüyü indirirler. Yetmiş seksen kadar seçkin, silahlı yiğit içeri girdiğinde Seyyid Kasım’a haber ulaşır.

English

Not yet available.

Languages

Chagatay

اویقولوق کونکلاک جان قوپوب بیش آلتی کیشی بیله آتقولاب اوره اوره بولارنی چیقارور

Turkish

Uykulu hâlde, gömlekle kalkıp beş altı adamıyla atılarak vura vura onları dışarı çıkarır.

English

Not yet available.

Languages

Chagatay

بر نیچه باش کیسیب ییباردی

Turkish

Birkaç baş kesip gönderdi.

English

Not yet available.

Languages

Chagatay

اکرچه مونداق غفلت بیله یاتماقلیغی کوب بیسردارانه ایدی ولی آز کیشی بیله مونداق یراغلیغ آبادان قالین ییکیتلارنی ضرب راست اوروب چیقارماقلیغی خیلی مردانه ایدی

Turkish

Böyle gaflet içinde yatması kumandanlığa hiç yakışmasa da az adamla böyle silahlı, seçkin ve kalabalık yiğitleri düpedüz döverek dışarı atması hayli yiğitçeydi.

English

Not yet available.

Languages

Chagatay

بو مدت خانلار اندیجان قورغانی نینک محاصره سیغه مشغول ایدیلار

Turkish

Bu sırada hanlar Andican kalesini kuşatmakla meşguldüler.

English

Not yet available.

Languages

Chagatay

قورغان ایلی قورغان نینک یخینیغه کیلکاننی قویماس لار ایدی

Turkish

Kaledekiler, kimseyi kaleye yaklaştırmıyorlardı.

English

Not yet available.

Languages

Chagatay

ییکیتلار اتلیغ چیقیب تاشقاری چاپقولاشورلار ایدی

Turkish

Yiğitler atlı çıkıp dışarıda vuruşuyorlardı.

English

Not yet available.

Languages

Chagatay

اخسیدین شیخ بایزید دولتخواهلیق اظهار قیلیب کیشی ییبرا باشلادی

Turkish

Ahsî’den Şeyh Bayezid bağlılığını bildirip adam göndermeye başladı.

English

Not yet available.

Languages

Chagatay

بیزنی بجد تیلادی

Turkish

Beni ısrarla çağırıyordu.

English

Not yet available.

Languages

Chagatay

بو تیلاماکنینک غرضی بو ایدی کیم هر حیله بیله مینی خانلاردین آییرغای

Turkish

Bu davetin amacı, her türlü hileyle beni hanlardan ayırmaktı.

English

Not yet available.