✺Baburname

Chunor va Xund navohiy bila o‘zlarini sipohilarig‘a tortor xayoli bor emish. Beglarni chorlob mashvarat qilib andoq muqarrar bo‘ldi kim Muhammad Zamon Mirzo va Sulton Junayd Barlos kim Javnpur ivazig‘a Chunorni va yana ba’zi parganotni topib edilar, Mahmud Xon Nuhoniy, Qozi Jiya, Toj Xon Sorangxoniy borib Chunordog‘i muxoliflarning yo‘lini to‘sg‘oylar. Tonglasi panjshanba kuni erta ko‘chub Saru daryosidin ayrilib o‘n bir karuh yo‘l kelib Parsaruni o‘tub Parsaruning yoqasida tushuldi. Beglarni chorlob mashvarat qilib Esan Temur Sulton, Muhammad Sulton Mirzo, To‘xta Buqa Sulton, Qosim Husayn Sulton, Bixub Sulton, Muzaffar Husayn Sulton, Qosim Xoja, Ja’far Xoja, Zohid Xoja, Jon Beg, Askariy navkarlari

bila Kichik Xoja, Hind umarosidin Olam Xon Kolpiy, Malikdod Karoniy, Roviy Sarvoniy boshliqlarni ta’yin qilildi kim Boyazid va Bibanning keynicha Dalmav tarafi cherikdin ayrilib ildom borg‘oylar. Ushbu Parsaruda kecha tahorat qiladur edim. Sham’ yorug‘ig‘a qolin baliqlar yig‘ilib su yuziga chiqdilar. Men va yana yovuqimdog‘ilar elik bila qolin baliq tuttuk. Odina kuni Parsaruning bir shoxobining boshig‘a tushuldi.

Xayli inchka su edi. Cherik elining ubur-u mururidin tag‘ayyur topmag‘oy deb yuqqorisini bo‘g‘durub bir dah dar dah bo‘lg‘on yerini tahorat uchun yosottim. Bist-u haftum kechasi ushbu yurtta bo‘ldi. Tonglasi ushbu sudin ayrilib Tus suyini o‘tub tushuldi. Yakshanba kuni ham ushbu su yoqasig‘a tushtuk. Dushanba kuni oyning yigirma to‘qquzida ushbu Tus suyining yoqasida manzil edi. Bu oqshom bovujud kim havo yaxshi sof emas edi, bir necha kishi oy ko‘rdilar. Qozi qoshida guvohliq berdilar. Oy boshi sobit bo‘ldi. Seshanba sabohi iyd namozini o‘tab otlanildi.