✺Baburname

Ul tarafdin Ko‘ki bu tarafdin sultonlar yetib ilik qo‘sharlar. G‘animni tushura olib tebrarlar. Basant Rov otlig‘ mu’tabar kofirni Ko‘kilar tushurub boshini kesarlar. O‘n o‘n besh kishisi aning ustiga tushar. Ushonda o‘q chopqularlar. To‘xta Buqo Sulton g‘animning olidin borib chopib yaxshi qilich yetkurdi. Mo‘g‘ul Abdulvahhob va inisi ham qilich yetkurdilar. Mo‘g‘ul bovujud kim su bilmas, jaba bila daryodin ot yoldob o‘tar. Mening kemalarim keyin edi.

Kemalarg‘a kishi yibordim. Farmoyish kemasi ilgarirak keldi. Farmoyish kemasiga kirib o‘tub Bangolilarning yurtlarini tafarruj qilib Gunjoyish kemasiga kirib yuqqori yer bor, so‘rdum. Mir Muhammad Jolabon arz qildi kim Saru daryosi yuqqoridin o‘tkali yaxshiroqtur. Farmon bo‘ldi kim ul degan yerdin cherik eli o‘tkali mashg‘ul bo‘lg‘oylar. Muhammad Sulton Mirzo boshlig‘larg‘a kim o‘tkali farmon bo‘lub edi, su o‘tarda Yaka Xojaning kemasi g‘arq bo‘lub Yaka Xoja Tengri rahmatig‘a bordi. Navkar va viloyatini inisi Qosim Xojag‘a inoyat qildim. Namozi peshin g‘usl asnosida sultonlar keldilar. Ta’rif-u sitoyish qilib inoyat-u shafqat din umidvor qildim. Askariy ham ushul asnoda keldi. Askariyning avval