✺Baburname

va bepanoh bir necha kemani tortib o‘tkardilar. Farmon bo‘ldi kim Esan Temur Sulton To‘xta Buqo Sulton va Bobo Sulton, Oroyish Xon, Shayx Guran bu kemalar o‘tkan yerda turub kemani muhofazat qilg‘oylar. Andin yonib bir posta o‘rdug‘a keldim.

Yarim kechaga yovuq yuqqori tortodurg‘on kemalardin xabar keldi kim ta’yin bo‘lg‘on favj ilgarirak bordi. Biz kemalarni tortib borodurduk kim Bangoliy kema larni biz tortar yerni tuyub urushtilar. Bir kemachining oyog‘ig‘a tosh tegib oyog‘i sindi. O‘ta olmaduk. Panjshanba sabohi mo‘ljorda ekanlardin xabar keldi kim yuqqoriqi kemalar tamom keldilar. Otlig‘lari tamom otlanib bizning keladurg‘on favjning ro‘barusig‘a mutavajjih bo‘ldilar. Men dog‘i ildam otlanib oqshom o‘tkargan kema larning ustiga keldim. Kishi chopturuldi kim Muhammad Sulton Mirzo boshlig‘ o‘tkali muqarrar bo‘lg‘onlar betavaqquf o‘tub Askariyg‘a qo‘shulsunlar. Esan

Temur Sulton bila To‘xta Buqo Sulton bu kemalar ustida edilar. Buyurdum kim o‘tkali mashg‘ul bo‘lsunlar. Bobo Sulton hanuz belg‘on yerda kelmaydur edi. Filhol Esan Temur Sulton bir kema bila o‘tuz qirqcha navkari bila otlarini kemalarining yonida yoldob o‘ttilar. Bularning keynicha yana bir kema ham ravon bo‘ldi.