✺Baburname

kim har ish kuch uchun ani yiborilur edi, bu zavraqqa Farmoyish ot qo‘yuldi. Tonglasi odina kuni ko‘chulmadi. Muhammad Zamon Mirzoning bori ish kuchi saranjom bo‘lub Bihor azimati bila bir iki kuro‘h o‘rdudin ayrilib tushub edi. Ushbu kun kelib mendin ruxsat oldi. Iki josus Bangola cherikidin kelib edi kim Bangolilar Maxdum-i Olam boshlig‘ Gandak suyining yoqosini yigirma to‘rt yerda qismat qilib fasil qo‘pora durlar. Sulton Mahmud boshlig‘ Afg‘onlar kim ko‘ch-u uruqlarini o‘tka durlar ekandur, o‘tkali qo‘ymay o‘zlariga qo‘shuptur. Bu xabar kelgach

chun urush ehtimoli bo‘ldi, Muhammad Zamon Mirzoni man’ qilduk. Shoh Iskandar ni uch to‘rt yuz kishi bila Bihorg‘a yibordi. Shanba kuni Duduning va o‘g‘li Jalol Xon Pahor Xonning kishisi keldi. Bangoliy bularni ko‘z bog‘i yosunluq soxlar ekandur. Meni deb Bangoliydin zarb-i rost urushub ayrilib sudin o‘tub Bihor navohisig‘a yetib mulozamatg‘a mutavajjih emish. Ushbu kun Bangola elchisi Ismoil Mitog‘a farmon bo‘ldi kim burun bitib yiborgan uch faslning javobi kech yetiladur. Xat bitib yiborsun kim agar ixlos-u yak jihatliq maqomidadurlar, xud [yovuq?] javob kelsa kerak. Yakshanba axshomi Turdi