✺Baburname

O‘zga borcha zinani su bo‘zuptur. Kemaga kirib ma’jun yeyildi. O‘rdudin yo‘qqoriroq bir arolda kemani turg‘uzub pahlavonlarni kushtig‘a solduk. Namoz-i xuftan o‘rdug‘a kelildi. Biltur ushbu tushkan yurtni Gang suyidin men dastak bila o‘tub ba’zi ot ba’zi teva minib kelib sayr qililib edi. Ul kun afyun yeb edim. Tonglasi seshanba kuni Karimberdi va Muhammad Ali-yi Haydar Rikobdor va Bobo Shayx boshlig‘larni iki yuzcha obodon yigitlar bila bu muxoliflardin xabar olg‘oli yiborildi. Ushbu yurttin Bangola elchisiga farmon bo‘ldi, bu uch fasl so‘zni arzadosht qilsun. Chahorshanba kuni Yunus Alini Muhammad Zamon Mirzog‘a

yiborildi kim Bihor tarafidin istimzoj hosil qilg‘ay. Sustroq javob kelturdi.

Bihor shayxzodalarining kishi arzadosht bila Bihorni toshlab chiqqonlarning xabar kelturub edi. Panjshanba kuni Turdi Muhammad-i Muhammad Ali Jang Jang‘g‘a Turk-u Hind umaroyi va tarkashbanddin iki mingcha chog‘lig‘ kishi qo‘shub Bihor eliga istimolat farmonlari bitib ruxsat berildi. Xoja Murshid Iroqini Bihor sarkorg‘a devon qilib Turdi Muhammadg‘a qo‘shub yiborildi. Tonglasi Muhammad Zamon Mirzo Bihor bormoqni qabul qilib Shayx Zayn va Yunus Alidin ba’zi nima arzadosht qilib bir pora kishini ko‘mak yosunluq tilaptur. Ba’zi yigitlarni Muhammad Zamon Mirzog‘a ko‘mak bitib ba’zilarni navkar etib shanba kuni Sha’bon oyining g‘urrasida