✺Baburname

Charga uchidin bir sahroyi govmesh chiqiptur. Bu kun tund yel qo‘pti. Gard-u g‘ubor ko‘p tashvish berdi. Kemaga yetib kemaga kirib o‘rdug‘a keldim. O‘rdu Banorasdin iki kuro‘h yo‘qqoriroq tushub edi. Chunorning navohisidog‘i jangallarda fil qolin bo‘lur emish. Bu yurttin borib fil ovlar xayolim bor edi.

Toj Xon xabar kelturdi kim Mahmud Xon So‘n suyi qoshidodur. Beglar ni chorlab g‘anim ustiga ilg‘omoqni mashvarat qilildi. Oxir munga qaror topti kim uzun uzoq ko‘chub bedirang oq yurulgay. Andin ko‘chub to‘quz kuro‘h yurub Belluva guzarig‘a tushuldi. Ushbu yurttin dushanba axshomi oyning o‘n sekizida Tohirni Agraga yiborildi. Kobuldin keladurganlarg‘a qo‘nolg‘a yosunluq in’om bo‘lg‘on yormoqlarning barotini olib bordi. Ushbu kun kema bila keldim. Tongdin burunroq kema ga kirib Gumati suyining qotilishig‘a, kim chuqur sudur, sayrig‘a

azroqcha suyi yo‘qqori borib sayr [boyotim?], agarcha torg‘ina su edi, vali guzari yo‘q edi. Ul yuzdagi cherik eli kema va sol bila va ot uzdurub o‘tadur edilar. Javnpur suyining qotilishidin bir kuro‘h qo‘yiroq kelib bilturg‘i yurtni kim andin Javnpurg‘a borilib edi sayr qildim. Muvofiq yel su yo‘qqoridin paydo bo‘ldi. Bangoli kemaning yelkanini tortib ulug‘ kemani ul kemaga bog‘lo-dilar. Xayli ildam keldi. O‘rdu Madan Banorasdin bir kuro‘h yo‘qqoriroq tushub edi. Yurtqa kundin iki gari qolib edi kim yetildi. Turmay keynimizcha kelgan kemalardin botroq kelgani namoz-i xuftan keldi. Chunordin farmon bo‘lub edi kim Mo‘g‘ul Beg har ko‘chta paymoyish tanobi bila to‘g‘ri yo‘lni tanob urg‘ay.