Chagatay
کیملارنی یوروتوب آراده نماز بامدادنی اوتادوک کیمه ده ایدیم کیم سلطان محمد بخشی خواجه کلان نینگ نوکری شمس الدین محمدنی آلیب کیلدی خط لاریدین و تقریریدین کابل داغی کیفیت و حالات مشخص و معلوم بولدی مهدی خواجه هم کیمه ده ایکاندا کیلدیلار ایرته پیشین اتاوه نینگ آلیداقی سو نینگ ناری یوزیداکی باغقه چیقیب جون ده غسل قیلیب ظهر ادا قیلدیم نماز اوتاگان ییردین اتاوه ساریراق کیلیب اوشبو باغ نینگ درختلارنینگ سایه سیده بیر بلندى اوستیده کیم سوغه مشرف ایدی اولتوروب ییکیتلارنی شوخلوققه سالدوق مهدی خواجه بویورغان طعام موندا تارتیلدی نماز شام ده سودین اوتوب نماز خفتن اردوغه
Latin transcription
kemalarni yurutub orada namoz-i bomdodni o‘taduk. Kemada edim kim Sulton Muhammad Baxshi Xoja Kalonning navkari Shamsuddin Muhammadni olib keldi. Xatlaridin va taqriridin Kobildog‘i kayfiyat-u holot mushaxxas-u ma’lum bo‘ldi. Mahdi Xoja ham kemada ekanda keldilar. Erta peshin Etovaning olidog‘i suning nori yuzidagi bog‘qa chiqib Junda g‘usl qilib zuhr ado qildim. Namoz o‘tagan yerdin Etova soriroq kelib ushbu bog‘ning diraxtlarining soyasida bir balandi ustida kim sug‘a mushrif edi, olturub yigitlarni sho‘xluqqa solduq. Mahdi Xoja buyurg‘on taom munda tortildi. Namoz-i shomda sudin o‘tub namoz-i xuftan ordug‘a
Turkish
kayıkları yürütüp yolda sabah namazını kıldık. Kayıkta idim ki Sultan Muhammed Bahşı, Hoca Kelan’ın adamı Şemseddin Muhammed’i getirdi. Mektuplarından ve anlattıklarından Kabil’deki durum açıkça öğrenildi. Mehdi Hoca da kayıkta bulunduğum sırada geldi. Öğlenin başında Etave’nin önündeki suyun karşı kıyısındaki bağa çıkıp Cûn’da yıkandım ve öğle namazını kıldım. Namaz kıldığım yerden Etave yönüne biraz ilerleyip bu bağın ağaçlarının gölgesinde, suya hâkim olan bir yüksekliğin üstünde, oturup yiğitleri şakalaştırdık. Mehdi Hoca’nın hazırlattığı yemek burada sunuldu. Akşam namazında suyu geçip yatsı namazında ordugâha
English
Not yet available.