Chagatay
کیمه بیله جون دین کیچیب زرافشان باغیغه کیلدیم انداق فرمان بولدی کیم توغ و نقاره و طویله و جمیع چیریگ ایلی باغ نینگ اوتروسی ده سو نینگ اول یوزیگه توشگای کورونوشکه کیلور کیشی کیمه بیله کیچیب کیلکایلار شنبه کونی اسمعیل میتا کیم بنگاله ایلچیسی ایدی بنگالی نینگ پیشکش لارین کیلتوروب هندستان دستوری بیله ملازمت قیلدی بیر اتیمی ییر کیلیب تعظیم قیلیب یاندی میعادی خلعت کیم سرمویینه دیرلار کییدوروب کیلتوردیلار بیزنینگ دستور بیله اوچ یوکونوب کیلیب نصرت شاه نینگ عرضداشتینی بیردی کیلتورو گان پیشکش لارنی اوتکاریب مراجعت قیلدی دوشنبه کونی خواجه
Latin transcription
kema bila Jundin kechib Zarafshon Bog‘ig‘a keldim. Andoq farmon bo‘ldi kim tug‘ va naqqora va tavila va jami’ cherik eli bog‘ning utrusida suning ul yuziga tushgay. Ko‘runushka kelur kishi kema bila kechib kelgaylar. Shanba kuni Ismoil Mito kim Bangola elchisi edi, Bangoliyning peshkashlarin kelturub Hinduston dasturi bila mulozamat qildi. Bir otimi yer kelib ta’zim qilib yondi. Mi’odiy xil’at kim sirmuyina derlar, keydurub kelturdilar. Bizning dastur bila uch yukunub kelib Nusrat Shohning arzadoshtini berdi. Keltur-gan peshkashlarni o‘tkarib muroja’at qildi. Dushanba kuni Xoja
Turkish
kayıkla Cûn’u geçip Zerefşan Bağı’na geldim. Şöyle emir verildi: Tuğ, kös, at sürüleri ve bütün ordu halkı bağın karşısında, suyun öte yakasına insin. Görüşmeye gelecekler kayıkla geçip gelsinler. Cumartesi günü Bengale elçisi İsmail Mita, Bengale hükümdarının armağanlarını getirip Hindistan âdetince huzura çıktı. Bir ok atımı mesafeye gelip saygıyla eğildi ve döndü. Âdet olan ve sirmuyine denilen hilati giydirip getirdiler. Bizim âdetimize uygun olarak üç kez diz çöküp gelerek Nusret Şah’ın arzını verdi. Getir-diği armağanları sunup geri döndü. Pazartesi günü Hoca