رعایاسیغه هم اوشبو دستور بیله عنایتلار بولدی آش تارتیلغاندین سونک فرمان بولدی کیم هندوستان نینک بازیگرلاری کیلیب اویونلارینی کورساتکایلار لولی لار کیلیب ایشلارین کورساتتیلار هندوستان لولیلاری بعضی ایشلاری کورساتادور لر کیم اول ولایتلارنینک لولی لاریدین کورولمایدور ایدی اول جمله دین بیری بودور کیم یتی حلقه نی پیشانه سیغه و ایکی تیزی که تعبیه قیلیب ینه تورت حلقه نی ایکی نی ایکی ایلیک بارماغی بیله و ایکی نی ایکی ایاق بارماغی بیله تیز و بیدرنگ ایورادور ینه بیری بو کیم رفتار طاوس یوسونلوق بر ایلکینی یرکه قویوب بر ایلیکی و ایکی ایاقی بیله اوچ حلقه نی تیز و بیدرنگ ایورادور ینه بیری بو کیم اول ولایت لولی لاری ایکی
Latin transcription
ra’iyosig‘a ham ushbu dastur bila inoyatlar bo‘ldi. Osh tortilg‘ondin so‘ng farmon bo‘ldi kim Hindustonning bozigarlari kelib o‘yunlarini ko‘rsatgaylar. Lo‘lilar kelib ishlarin ko‘rsattilar. Hinduston lo‘lilari ba’zi ishlari ko‘rsatadur lar kim ul viloyatlarning lo‘lilaridin ko‘rulmaydur edi. Ul jumladin biri budur kim yeti halqani peshonisig‘a va ikki tiziga ta’biya qilib yana to‘rt halqani, ikkini ikki elig barmog‘i bila va ikkini ikki ayoq barmog‘i bila tez-u bedirang evuradur. Yana biri bu kim raftor-i tovus yosunluq bir eligini yerga qo‘yub bir eligi va ikki ayoqi bila uch halqani tez-u bedirang evuradur. Yana biri bu kim ul viloyat lo‘lilari ikki
Turkish
halkına da aynı şekilde ihsanlar verildi. Yemek sunulduktan sonra Hindistan’ın oyuncularının gelip gösterilerini sunması buyuruldu. Lûlîler gelip hünerlerini gösterdiler. Hindistan lûlîleri öyle bazı hünerler gösterirler ki bunlar öteki ülkelerin lûlîlerinde görülmezdi. Bunlardan biri şudur: Yedi halkadan [üçünü] alnına ve iki dizine yerleştirip kalan dört halkadan ikisini iki elinin parmaklarıyla, ikisini iki ayağının parmaklarıyla hızla ve durmadan çevirir. Bir başkası şudur: tavus yürüyüşünü andırır biçimde bir elini yere koyup diğer eli ve iki ayağıyla üç halkayı hızla ve durmadan çevirir. Bir diğeri: Öteki ülkelerin lûlîleri iki
···
Languages
ColumnsLanguages
Chagatay
یغاچنی ایاقلاریغه باغلاب پای چوبین قیلیب یول یورورلار هندوستان بو لولی لاری بر یغاچ بیله پای چوبین قیلیب یول یوروی دورلار ایاقلاریغه هم باغلامایدورلار ینه بیری بو کیم ایکی لولی بربیرینی توتوشوب اول ولایتلاردا ایکی تورلوک معلق بارورلار هندوستان لولیلاری بربیری لارینی توتوشوب اوچ تورت تورلوک معلق بارادورلار ینه بیری بو کیم آلتی یتی قاری یغاچ نینک توپی نی بر لولی بیلیکه قویوب یغاچنی تیک توتوب تورادور ینه بر لولی بو یغاچقه چیقیب
Latin transcription
yig‘ochni ayoqlarig‘a bog‘lob poy-i cho‘bin qilib yo‘l yururlar. Hinduston bu lo‘lilari bir yig‘och bila poy-i cho‘bin qilib yo‘l yuruydurlar. Ayoqlarig‘a ham bog‘lomaydurlar. Yana biri bu kim ikki lo‘li birbirini tutushub ul viloyatlarda ikki turluk muallaq borurlar. Hinduston lo‘lilari birbirilarini tutushub uch to‘rt turluk muallaq boradurlar. Yana biri bu kim olti yeti qari yig‘ochning tupini bir lo‘li beliga qo‘yub yig‘ochni tik tutub turadur. Yana bir lo‘li bu yig‘ochqa chiqib
Turkish
sırığı ayaklarına bağlayıp tahta ayaklar üzerinde yürürler. Hindistan’ın bu lûlîleri tek sırıkla tahta ayak üzerinde yürür; ayaklarına da bağlamazlar. Başka bir hüner: Öteki ülkelerde iki lûlî birbirini tutarak iki türlü takla atar. Hindistan lûlîleri birbirini tutarak üç dört türlü takla atar. Bir başkası: Altı yedi karı uzunluğundaki sırığın dibini bir lûlî beline dayayarak sırığı dik tutar. Başka bir lûlî bu sırığa tırmanıp