Chagatay
تورت مینگ دور قدم بیله بر میل بر کروه آنی هند ایلی دیر بیل
Latin transcription
To‘rt mingdur qadam bila bir mil / Bir kuro‘h ani Hind eli der, bil.
Turkish
Bir mil dört bin adımdır; bil ki Hint halkı buna bir kürûh der.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 351b
Choose languages
Page 701 of 762
Chagatay
دیدیلر بر یاریم قاری بو قدم هر قاری بیل که باردور آلتی توتام
Latin transcription
Dedilar bir yarim qari bu qadam / Har qari bil ki bordur olti tutam.
Turkish
Bu adım bir buçuk karıdır dediler; bil ki her karı altı tutamdır.
Chagatay
هر توتام تورت ایلیک ینه هر ایلیک آلتی جو عرضی بولدی بیل بو بیلیک
Latin transcription
Har tutam to‘rt elig, yana har elig / Olti jav arzi bo‘ldi, bil bu bilig.
Turkish
Her tutam dört parmak, her parmak da altı arpa enidir; bu bilgiyi bil.
Chagatay
پیمایش طنابینی بو مذکور بولغان بر یاریم قاری بیله کیم توقوز توتام بولغای قیرق قاری تعبیر قیلدی کیم بو یوز طنابی بر کروه بولغای شنبه کونی آینینک آلتی سیده تویی بولدی قزلباش و اوزبک و هندولارنینک ایلچیلری بو تویدا بار ایردیلر قزلباش ایلچیلرین اونک قولدا یتمش سکسَن قاری ییراقراق شامیانه برپای قیلیب اولتورغوزولدی فرمان بولدی کیم بیکلردین یونس علی قزلباشلار بیله اولتورغای سول قولدا هم اوشبو دستور بیله اوزبک ایلچیلری اولتوروب بیکلردین عبدالله غه فرمان بولدی کیم بولار بیله اولتورغای
Latin transcription
Paymoyish tinobini bu mazkur bo‘lg‘on bir yarim qari bila kim to‘quz tutam bo‘lg‘oy, qirq qari ta’bir qildi kim bu yuz tinobi bir kuro‘h bo‘lg‘oy. Shanba kuni oyning oltisida to‘yi bo‘ldi. Qizilbosh va O‘zbak va Hindularning elchilari bu to‘yda bor erdilar. Qizilbosh elchilarin o‘ng qo‘lda yetmish seksan qari yiroqroq shomyona barpoy qilib olturg‘uzuldi. Farmon bo‘ldi kim beklardin Yunus Ali Qizilboshlar bila olturg‘oy. So‘l qo‘lda ham ushbu dastur bila O‘zbak elchilari olturub, beklardin Abdullohg‘a farmon bo‘ldi kim bular bila olturg‘oy.
Turkish
Ölçüm ipini, sözü edilen ve dokuz tutam eden bu bir buçuk karı hesabıyla, kırk karı olarak belirledi; böyle yüz ip boyu bir kürûh edecekti. Cumartesi, ayın altısında şölen oldu. Kızılbaş, Özbek ve Hint elçileri bu şölende bulunuyorlardı. Kızılbaş elçileri için sağ tarafta yetmiş seksen karı kadar uzakta bir gölgelik kurularak oturtuldular. Beylerden Yunus Ali’nin Kızılbaşlarla oturması buyuruldu. Sol tarafta da aynı şekilde Özbek elçileri oturdu; beylerden Abdullah’ın onlarla oturması buyuruldu.
Chagatay
من ینکی سالغان مثمن خس پوش تالارنینک شمالی ضلعیده اولتوردوم اونک قولومدا بیش آلتی قاری توخته بوقا سلطان و عسکری و حضرت خواجه نینک اولادی خواجه عبد الشهید و خواجه کلان و خواجه چشتی و خلیفه و ینه سمرقنددین کیلکان خواجه لارنینک توابعی حافظ و ملالار اولتوردیلار سول قولومدا بیش آلتی قاری محمد زمان میرزا و تنگاتمیش سلطان و سید رفیع و سید رومی و شیخ ابو الفتح و شیخ جمالی و شیخ شهاب الدین عرب و سید دکنی اولتوردیلار جمیع سلاطین و خوانین و اکابر و امرا آش دین بورون قیزیلدین آق دین قرادین رخت دین جنس دین ساچیقلار کیووردیلار بیوردوم کیم آلیمدا زیلوچه سالدیلار قیزیل
Latin transcription
Men yangi solg‘on musamman xaspo‘sh tolorning shimoli zil’ida olturdum. O‘ng qo‘lumda besh olti qari To‘xta Buqa Sulton va Askari va Hazrat-i Xojaning avlodi Xoja Abdushshahid va Xoja Kalon va Xoja Chishti va Xalifa va yana Samarqanddin kelgan xojalarning tavobi’i hofiz-u mullolar olturdilar. So‘l qo‘lumda besh olti qari Muhammad Zamon Mirzo va Tangotmish Sulton-u Sayyid Rafi’ va Sayyid Rumi va Shayx Abulfath va Shayx Jamoli va Shayx Shahobiddin Arab va Sayyid Dakkani olturdilar. Jami’ salotin-u xavonin-u akobir-u umaro oshdin burun qizildin, oqdin, qorodin, raxtdin, jinsdin sochiqlar kivurdilar. Buyurdum kim allimda zilucha soldilar. Qizil
Turkish
Ben yeni yaptırdığım sekizgen, hasır örtülü köşkün kuzey kenarında oturdum. Sağ yanımda beş altı karı ötede Tohta Buka Sultan, Askerî ve Hazret-i Hoca’nın evladından Hoca Abdüşşehid, Hoca Kelan, Hoca Çiştî, Halife ve Semerkant’tan gelen hocaların maiyetindeki hafız ve mollalar oturdular. Sol yanımda beş altı karı ötede Muhammed Zaman Mirza, Tangatmış Sultan, Seyyid Refi, Seyyid Rumî, Şeyh Ebülfeth, Şeyh Cemalî, Şeyh Şehabeddin Arab ve Seyyid Dekkenî oturdular. Bütün sultanlar, hanlar, ileri gelenler ve emirler yemekten önce altın, gümüş, bakır para, eşya ve çeşitli mallardan armağanlar sundular. Emrimle önüme bir kilim serdiler. Altın