بولسه تنگری عنایتی بیله متوجه بولغای انداغی دولتخواه لار بیله مشورت قیلینگ اگر منگا احتیاجلیق ایش بولسه اوشبو میعاد بیله بارغان کیشی کیلگاچ اوق بی توقف انشا الله تعالی اتلانغومدور اگر بنگالی یکجهتلیق و اخلاص مقامیده بولسه و اول اراده منگا احتیاج بولغودیک ایشی بولماسه انی هم شرح بیله عرضداشت قیلینگ باقیب توروب بولماس اوزگه ساری عزیمت قیلغومدور سیزلار دولتخواه لیق نینگ مشورتی بیله عسکرینی الیب یوروب انداغی ایشلارغه تنگری تعالی عنایتی بیله فیصل بیرگای سیز شنبه کونی ربیع الاول اینینگ یگیرمه توقوزیده عسکری گه مرصع کمر خنجر بیله بادشاهانه
Latin transcription
bo‘lsa Tangri inoyati bila mutavajjih bo‘lg‘ay. Andog‘i davlatxohlar bila mashvarat qiling. Agar manga ehtiyojliq ish bo‘lsa ushbu mi’od bila borg‘on kishi kelgach o‘q betavaqquf inshoalloh taolo otlang‘umdur. Agar Bangoliy yakjihatliq va ixlos maqomida bo‘lsa va ul aroda manga ehtiyoj bo‘lg‘udek ishi bo‘lmasa ani ham sharh bila arzadosht qiling. Boqib turub bo‘lmas. O‘zga sori azimat qilg‘umdur. Sizlar davlatxohliqning mashvarati bila Askariyni olib yurub andog‘i ishlarg‘a Tangri taolo inoyati bila faysal bergaysiz. Shanba kuni Rabi’ ul-avval oyning yigirma to‘qquzida Askariyga murassa’ kamar-xanjar bila podshohona
Turkish
olacak yöne Tanrı’nın yardımıyla yürümeleri emredildi. Oradaki devlet dostlarıyla danış-ın. Bana ihtiyaç duyulan bir iş varsa bu süreyle giden adam gelir gelmez durmaksızın inşallah yola çıkacağım. Bengal hükümdarı bağlılık ve samimiyet gösterirse ve orada bana ihtiyaç duyulacak bir iş yoksa, bunu da açıklayarak arz edin. Bekleyip durulamaz. Başka tarafa yöneleceğim. Sizler devlete bağlılıkla danışıp Askerî’yi alarak yürüyün; oradaki işleri yüce Tanrı’nın yardımıyla sonuçlandırın. Cumartesi günü, rebiülevvel ayının yirmi dokuzunda Askerî’ye mücevherli kemer ve hançerle hükümdarlara yaraşır
···
Languages
ColumnsLanguages
Chagatay
خلعت کییدوروب علم و طوغ و نقاره و طویله توپچاق و اون فیل و قطار تیوه بادشاهانه اسباب و آلات انعام بولدی حکم بولدی کیم دیوان باشیده اولتورغای ملاسیغه و ایکی اتاکه سیغه توگمه لیک چکمن لار و ینه اوزگه نوکرلریگه اوچ توقوز تون انعام بولدی یکشنبه کونی اینینگ سلاخیده سلطان محمد بخشی نینگ اوییگه باردیم پای انداز سالیب ساچیق کیووردی نقد و جنس دین ایکی لکدین کوپراک نیمه پیشکش قیلدی آش و پیشکش تارتیلغاندین سونگ ینه بیر حجره سیغه باریب اولتوروب معجون ییدوک اندین اوچ پهرده چیقیب سودین اوتوب خلوتخانه کیلیلدی پنجشنبه کونی ربیع الاخر اینینگ تورتیده مونداق مقرر بولدی کیم اگره دین کابلغه چه چقماق بیک شاهی تمغاچی نینگ نویسنده لیغی بیله
Latin transcription
xil’at kiydurub alam va tug‘ va naqqora va tavila to‘pchoq va o‘n fil va qator teva podshohona asbob va olot in’om bo‘ldi. Hukm bo‘ldi kim devon boshida olturg‘ay. Mullosig‘a va ikki otakasig‘a tugmalik chakmanlar va yana o‘zga navkarlarig‘a uch to‘qquz to‘n in’om bo‘ldi. Yakshanba kuni oyning saloxida Sulton Muhammad Baxshining uyiga bordim. Poyandoz solib sochiq kivurdi. Naqd u jinsdin ikki lakdin ko‘prak nima peshkash qildi. Osh u peshkash tortilg‘ondin so‘ng yana bir hujrasig‘a borib olturub ma’jun yeduk. Andin uch paharda chiqib sudin o‘tub xilvatxona kelildi. Panjshanba kuni Rabi’ ul-oxir oyning to‘rtida mundoq muqarrar bo‘ldi kim Agradin Kobulg‘acha Chaqmoq Beg Shohiy Tamg‘achining navisandalig‘i bila
Turkish
hilat giydirilip sancak, tuğ, nakkare, bir tavla topçak atı, on fil, bir katar deve, hükümdarlara yaraşır araç gereçler ihsan edildi. Divanın başında oturması emredildi. Mollasına ve iki atakesine düğmeli çakmanlar, diğer hizmetlilerine üç dokuz kaftan verildi. Pazar günü ayın son gününde Sultan Muhammed Bahşı’nın evine gittim. Ayak altına kumaş serip saçı sundular. Nakit ve eşya olarak iki lekten fazla armağan sundu. Yemek ve armağanlar sunulduktan sonra başka bir odasına geçip oturarak macun yedik. Oradan üçüncü peherde çıkıp ırmağı geçerek özel daireye geldik. Perşembe günü rebiülahir ayının dördünde şöyle kararlaştırıldı: Agra’dan Kabil’e kadar Çakmak Bey, Şahi Tamgacı’nın kâtipliğiyle