هیچ قایسینگ طمع قیلماغای سیز ینه یخشی باریبسین سلطان ویس نینگ کونگلینی الیبسین انی قاشینگغه کیلتوروب انینگ رایی بیله عمل قیلغایسین کیم ایش بیلور کیشی دور چریکنی یخشی ییغیب یوروگایسین آغیز سوزلردین بویان شیخ صاحب وقوف دور معلوم بولغوسیدور دیب مشتاقلیقلار بیله سلام پنجشنبه کونی ربیع الاول ای نینگ اون اوچیده بیتیلدی کامرانغه و خواجه کلانغه داغی اوشبو مضمون بیله اوز ایلیگیم بیله خطلار بیتیب ییبردیم چهارشنبه کونی اینینگ اون توقوزیده میرزالار و سلطانلار ترک و هند امراءسینی چارلاب مشورت قیلیب سوزنی مونگا قویولدی کیم بو ییل خود البته هر ساری چریک یورومک کیراک
Latin transcription
Hech qaysingiz tama’ qilmag‘aysiz. Yana yaxshi boribsen Sulton Vaysning ko‘nglini olibsen. Ani qoshingg‘a kelturub aning ra’yi bila amal qilg‘aysen kim ish bilur kishidur. Cherikni yaxshi yig‘ib yurugaysen. Og‘iz so‘zlardin Buyon Shayx sohib-i vuquf dur, ma’lum bo‘lg‘usidur deb mushtoqliqlar bila salom. Panjshanba kuni Rabi’ ul-avval oyining on uchida bitildi. Komrong‘a va Xoja Kalong‘a dog‘i ushbu mazmun bila o‘z iligim bila xatlar bitib yibardim. Chahorshanba kuni oyning on to‘qquzida mirzolar va sultonlar Turk va Hind umarosini chorlab mashvarat qilib so‘zni munga qo‘yuldi kim bu yil xud albatta har sori cherik yurumak kerak.
Turkish
Hiçbiriniz ona göz dikmeyin. Ayrıca Sultan Veys’in gönlünü alarak iyi yapmış-sın. Onu yanına getirip görüşüne göre davran; çünkü iş bilir biridir. Orduyu iyice toplayıp yürü. Sözlü haberleri Buyan Şeyh biliyor; öğrenilecektir, diyerek özlemle selam. Perşembe günü rebiülevvel ayının on üçünde yazıldı. Kamran’a ve Hoca Kelan’a da bu içerikte, kendi elimle mektuplar yazıp gönderdim. Çarşamba, ayın on dokuzunda mirzaları, sultanları, Türk ve Hint beylerini çağırıp danışarak kararı şöyle verdik: Bu yıl mutlaka bir yöne sefere çıkmak gerekir.
···
Languages
ColumnsLanguages
Chagatay
اوزومیزدین بورونراق عسکری پورب قاچه متوجه بولغای گنگ دریاسینینگ ناری قی سلاطین و امرا چریکلاری بیله عسکری گه کیلیب قوشولوب هر ساریغه کیم صلاح دولت بولسه عزیمت قیلغایلار بو کیفیتلارنی بیتیب شنبه کونی اینینگ یگیرمه ایکیسیده اون التی کونلوک مولجار بیله غیاث الدین قورچی نی سلطان جنید برلاس باشلیق پورب امراسیغه چاپتورولدی آغیز سوزلری بو بولدی کیم ضربزن و ارابه و تفک اوروش اسباب و آلاتیدور بولار تیار بولغونچه اوزومیزدین ایلگاریراک عسکرینی ییباریلدی گنگ نینگ ناری یوزیده کی جمیع سلاطین و امراغه فرمان بولدی کیم عسکری قاشیغه ییغیلیب هر ساریغه صلاح دولت
Latin transcription
O‘zimizdin burunroq Askariy Purabqacha mutavajjih bo‘lg‘ay. Gang daryosining norig‘i salotin va umaro cheriklari bila Askariyga kelib qo‘shulub har sorig‘a kim saloh-i davlat bo‘lsa azimat qilg‘aylar. Bu kayfiyatlarni bitib shanba kuni oyning yigirma ikkisida on olti kunluk mo‘ljar bila G‘iyosiddin Qo‘rchini Sulton Junayd Barlos boshliq Purab umarosig‘a chopturuldi. Og‘iz so‘zlari bu bo‘ldi kim zarbzan va aroba va tufak urush asbob u olotidur. Bular tayyor bo‘lg‘uncha o‘zimizdin ilgarirak Askariyni yiborildi. Gangning nori yuzidagi jami’ salotin va umarog‘a farmon bo‘ldi kim Askariy qoshig‘a yig‘ilib har sorig‘a saloh-i davlat
Turkish
Bizden önce Askerî doğuya yönelsin. Ganj ırmağının ötesindeki sultanlar ve beyler ordularıyla Askerî’ye katılıp bir yöne devlet için uygun düşecek şekilde yürüsünler. Bu durumları yazıp cumartesi, ayın yirmi ikisinde on altı günlük süreyle Gıyaseddin Korçu’yu Sultan Cüneyd Barlas başta olmak üzere doğu beylerine ulak olarak gönderdik. Sözlü haber şuydu: Top, araba ve tüfek savaş araçlarıdır. Bunlar hazırlanıncaya kadar bizden önce Askerî gönderildi. Ganj’ın ötesindeki bütün sultanlara ve beylere Askerî’nin yanında toplanıp devletin yararına