کیم رنتنبورنی تاپشورماق اوچون خدمتکارلیقنی قبول قیلماق اوچون اوز راه و رسمی بیله عهد و شرط قیلغای بیزنیک بو بارغان کیشی کوروب بیلیب اینانیب کیلکای اول بو ایتقان لارینیک اوستیکا تورسه مین هم وعده قیلدیم کیم تنکری راست کیلتورسه اتاسی نیک اورنیغه رانا قیلیب چیتوردا اولتور غوزای اوشبو فرصت لاردا دهلی داقی و اگره داقی اسکندر بیله ابراهیم نیک خزینه لاری تمام بولدی چریک یراغیغه و توپ و تفنکچی نیک دارو و جیداغیغه پنجشنبه کونی صفر ایی نیک سیکیزیده جمیع وجه دارنیک وجهیدین صد سی فرمان بولدی کیم دیوانغه توشوروب بو اسباب و آلات قه صرف و خرج قیلغای لار
Latin transcription
kim Rantamburni topshurmoq uchun xizmatkorliqni qabul qilmoq uchun o‘z roh-u rasmi bila ahd-u shart qilg‘ay. Bizning bu borg‘an kishi ko‘rub bilib inonib kelgay. Ul bu aytqonlarining ustiga tursa, men ham va‘da qildim kim, Tengri rost keltursa, otasining o‘rnig‘a rono qilib Chitorda oltur-g‘uzay. Ushbu fursatlarda Dihlidagi va Agradagi Iskandar bila Ibrohimning xizonalari tamom bo‘ldi. Cherig‘ yarog‘ig‘a va to‘p-u tufakchining doru va jaydog‘ig‘a Panjshanba kuni Safar oyining sekizida jami‘ vajhdorning vajhidin sad-si farmon bo‘ldi kim devong‘a tushurub bu asbob-u olotqa sarf-u xarj qilg‘aylar.
Turkish
Rantambur’u teslim etmek ve hizmetkârlığı kabul etmek için kendi yol ve âdetleri uyarınca antlaşsın. Bizim giden adamımız görüp anlayıp emin olarak dönsün. O, bu söylediklerinin arkasında durursa ben de söz verdim ki, Tanrı uygun kılarsa, babasının yerine rana yapıp Çitor’da oturt-ayım. Bu sıralarda Delhi ve Agra’daki İskender ile İbrahim’in hazineleri tükendi. Ordunun donanımına, topçu ve tüfekçilerin barut ve ödeneklerine harcanmak üzere, Perşembe, safer ayının sekizinde bütün tahsisat sahiplerinin gelirlerinden yüzde otuz alınması emredildi; divana getirilip bu araç ve gereçlere harcansın.
···
Languages
ColumnsLanguages
Chagatay
شنبه کونی ایی نیک اونیده سلطان محمد بخشی نیک شاه قاسم اتلیق پیاده سینی کیم بیر قتله خراسان اهلیغه استمالت فرمان لاری ایلیتیب ایدی ینه هری کا ییبارلدی بو مضمون بیله فرمان ایلتی کیم هندوستان نیک شرق و غرب یاغی لاریدین و کافرلاریدین تنکری عنایتی بیله خاطرلار جمع بولدی اوشبو یاز تنکری کیلتورسه البته اوزومیزنی هر نوع قیلیب یتکورکومیزدور احمد افشارغه هم فرمان ییبارلدی
Latin transcription
Shanba kuni oyning onida Sulton Muhammad Baxshining Shoh Qosim otliq piyoda-sini, kim bir qatla Xuroson ahlig‘a istimolat farmonlari eltib edi, yana Hariga yiborildi. Bu mazmun bila farmon eltti kim Hindustonning sharq-u g‘arb yog‘ilaridin va kofirlaridin Tengri inoyati bila xotirlar jam‘ bo‘ldi. Ushbu yoz Tengri keltursa, albatta o‘zumizni har nav‘ qilib yetkurgumizdur. Ahmad Afshorg‘a ham farmon yiborildi.
Turkish
Cumartesi, ayın onunda Sultan Muhammed Bahşı’nın Şah Kasım adlı yaya haberci-sini, daha önce Horasan halkına gönül alıcı fermanlar götürmüştü, yeniden Herat’a gönderdik. Şu içerikte ferman götürdü: Hindistan’ın doğu ve batı düşmanlarından ve kâfirlerinden yana Tanrı’nın yardımıyla içimiz rahatladı. Bu yaz Tanrı nasip ederse mutlaka kendimizi ne yapıp edip ulaştıracağız. Ahmed Afşar’a da ferman gönderildi.