Demir Barlas
Open a passage to bookmark it.
Saved in this browser.اندین یانیب تاغدین توشوب نماز شام بیله نماز خفتن نیک اراسیده اندین اتلاندوک
Andin yonib tog‘din tushub namozi shom bila namozi xuftanning orasida andin otlanduk.
Oradan dönüp dağdan indik ve akşamla yatsı arasında oradan yola çıktık.
ایکی پاس غه یوق بیر یرده کیلیب اویقولادوک کون نیک بیر پهری بولا چارباغ که کیلیب توشولدی ادینه کونی اینیک اون یتیسیده سوهجنه دیکان صلاح الدین نیک زاد و بود کنتینی و کنتیدین یوققاری تاغ اراسیداقی و قول ایچیداکی لیمو و سدافل باغینی سیر قیلیب بیر پهرده کیلیب چارباغ که توشتوم یکشنبه کونی اینیک اون توقوزیدا تاکدین بورونراق چارباغ دین اتلانیب قواری سوی دین اوتوب توشلاندوک
Iki posg‘a yovuq bir yerda kelib uyquladuk. Kunning bir pahri bo‘la chorbog‘qa kelib tushuldi. Odina kuni oyning on yetisida Suhjana degan Salohiddinning zod-u bud kentini va kentidin yuqqori tog‘ orasidagi va qo‘l ichidagi limu va sadofal bog‘ini seyr qilib bir pahrda kelib chorbog‘qa tushtum. Yakshanba kuni oyning on to‘quzida tongdin burunroq chorbog‘din otlanib Quvori suyidin o‘tub tushlanduk.
İki pasa yakın vakitte bir yere gelip uyuduk. Günün bir peheri olunca çarbağa gelip inildi. Cuma, ayın on yedisinde Suhcana denilen, Salahaddin’in doğup büyüdüğü köyünü ve köyün yukarısında, dağ arasında ve vadi içindeki limon ve sedafel bahçesini gezerek günün ilk peherinde gelip çarbağa indim. Pazar, ayın on dokuzunda, tan sökmeden çarbağdan yola çıkıp Kuvari suyunu geçerek öğle molası verdik.
نماز پیشین اندین اتلانیب افتاب اولتورور محل سوی دین اوتوب نماز شام نماز خفتن اراسیده دولپور قورغانیغه کیریب چراغ بیله ابوالفتح سالغان حمام نی سیر قیلیب اندین اتلانیب یانکی چارباغ سالغان یرکه بند باشیغه کیلیب توشولدی تانکلاسیغه بویورولغان یرلارنی توروب سیر قیلدیم یکپاره تاشدا بویورغان کلاهدار حوض نیک یوزینی بیر مرتبه تمام کوتارمایدورلار ایدی بویورولدی کیم سنگتراشلار کوپراک کیلیب بیر مرتبه حوض نیک توپینی درست اتسونلار کیم سو قویوب اطرافینی ترازو قیلسه بولغای
namozi peshin andin otlanib oftob olturur mahal suyidin o‘tub namozi shom, namozi xuftan orasida Dulpur qo‘rg‘onig‘a kirib chirog‘ bila Abul-Fath solg‘an hammomni seyr qilib andin otlanib yangi chorbog‘ solg‘an yerga, band boshig‘a kelib tushuldi. Tonglasig‘a buyurulg‘an yerlarni turub seyr qildim. Yakpora toshda buyurg‘an kulohdor havzning yuzini bir martaba tamom ko‘tarmaydurlar edi. Buyuruldi kim sangtaroshlar ko‘prak kelib bir martaba havzning tubini durust otsunlar kim su qo‘yub atrofini tarozu qilsa bo‘lg‘ay.
Öğle vakti oradan yola çıkıp güneş batarken [Çembel] suyunu geçerek akşamla yatsı arasında Dulpur kalesine girdik. Ebulfeth’in yaptırdığı hamamı lamba ışığında gezip oradan hareketle yeni çarbağ yapılan yere, bendin başına gelip inildi. Ertesi gün yapılmasını emrettiğim yerleri kalkıp gezdim. Tek parça taştan yapılmasını emrettiğim külahlı havuzun yüzeyini bütünüyle aynı seviyeye getirmemişlerdi. Daha çok taş ustası gelerek havuzun tabanını düz bir seviyeye getirsinler; böylece su koyup çevresini tesviye edebilelim.
کیچ نماز دیکر حوض نیک بیر مرتبه یوزینی تمام الدیلار بویوردوم کیم سو تولدوردیلار
Kech namozi digar havzning bir martaba yuzini tamom oldilar. Buyurdum kim su to‘ldurdilar.
İkindi sonlarında havuzun yüzeyini bütünüyle bir seviyeye getirdiler. Emrettim, su doldurdular.