اقاسی رتن سین کیم حالا اتاسی اورنیده رانا بولوب چیترغه قابض دور تاج و کلاه بیله زرکمرنی اینیسیدین تیلاپتور بو بیرمایدور بو کیلکان کیشیلاردین تاج و کلاه و زرکمرنی منکا سوزلاتیبتور رنتنبورننک مبادله سیغه بیانه نی تیلاپتور بیانه سوزیدین الارنی اوتکارب شمس آبادنی رنتنبور مبادله سیغه وعده قیلدوق اوشول کونی اوق بو کیلکان کیشیلاریغه خلعت لار کییدوروب توقوز کونده بیانه غه کیلمک میعادی بیله رخصت بیریلدی بو باغچه دین اتلانیب کوالیار نینک بتخانه لارینی سیر قیلدوق
Latin transcription
Aqosi Ratan Sen kim holo otasi o‘rnida rono bo‘lub Chitrg‘a qobizdur toj u kuloh bila zar-kamarni inisidin tilaptur. Bu bermaydur. Bu kelgan kishilardin toj u kuloh u zar-kamarni manga so‘zlatiptur. Rantanburning mubodalasig‘a Biyonani tilaptur. Biyona so‘zidin alarni o‘tkarib Shamsobodni Rantanbur mubodalasig‘a va’da qilduq. Ushul kuni o‘q bu kelgan kishilarig‘a xil’atlar keydurub to‘quz kunda Biyonag‘a kelmak mi’odi bila ruxsat berildi. Bu bog‘chadin otlanib Gvoliyorning butxonalarini sayr qilduq.
Turkish
Şimdi babasının yerinde rana olup Çitor’u elinde tutan ağabeyi Ratan Sen, tacı, külahı ve altın kemeri kardeşinden istemiş; o vermemiş. Bu gelen adamları aracılığıyla tacı, külahı ve altın kemeri bana teklif etmiş. Rantanbur’un karşılığında Biyana’yı istemiş. Biyana isteğinden onları vazgeçirip Rantanbur karşılığında Şemsabad’ı vadettik. Aynı gün bu gelen adamlarına hilatler giydirip dokuz gün içinde Biyana’ya gelmek üzere tarih belirleyerek izin verildi. Bu bahçeden ata binip Gvaliyor’un tapınaklarını gezdik.
···
Languages
ColumnsLanguages
Chagatay
بعضی بتخانه لار دو آشیانه سه آشیانه آشیانه لاری پستراق قدیمی وضع لیق ازاره سیده تمام مجسم صورت لارنی تاشدین قازیبتورلار بعضی بتخانه مدرسه وضع لیق پیشگاهی و اولوغ و بلند کنبد مدرسه حجره لاری دیک حجره لاری کیم بار هر حجره نینک اوستیده تنک تنک کنبدلار تراشیده تاشدین قیلیبتورلار قوییقی حجره لاریده مجسم تاشدین بتلار تراش قیلیبتورلار بو عمارت لارنی تفرج قیلیب کوالیار نیک غربی دروازه سیدین چیقیب کوالیار قورغانی نیک جنوب طرفیدین ایورولوب سیر قیلیب رحیم داد سالغان چهارباغ که کیم هاتی پول نیک الیدادور کیلیب توشتوم
Latin transcription
Ba’zi butxonalar du-oshyona, se-oshyona, oshyonalari pastroq, qadimi vaz’liq, izorasida tamom mujassam suratlarni toshdin qazipturlar. Ba’zi butxona madrasa vaz’-liq, peshgohi va ulug‘ u baland gunbad, madrasa hujralari dek hujralari kim bor, har hujraning ustida tang-tang [teng-teng?] gunbadlar taroshida toshdin qilipturlar. Quyqi Hujralarida mujassam toshdin butlar tarosh qilipturlar. Bu imoratlarni tafarruj qilib Guvalyorning g‘arbi darvozasidin chiqib Guvalyor qo‘rg‘onining janub tarafidin evrulub seyr qilib Rahimdod solg‘an chahorbog‘qa, kim Hoti Pulning allidadur, kelib tushtum.
Turkish
Bazı tapınaklar iki katlı, üç katlıdır; katları alçakça ve eski tarzdadır. Duvarlarının alt bölümlerine baştan başa taştan kabartma figürler oymuşlar. Bazı tapınaklar medrese tarzındadır; ön kısmı, büyük ve yüksek kubbesi, medrese hücreleri gibi hücreleri vardır. Her hücrenin üstüne dar, ince kubbeleri [?] yontma taştan yapmışlar. Alttaki Hücrelerinde taştan heykel biçiminde putlar yontmuşlar. Bu yapıları gezip Gvalyor’un batı kapısından çıkarak Gvalyor kalesinin güney tarafından dolaşıp seyrederek Rahimdad’ın yaptırdığı, Hati Pul’un önündeki çarbağa gelip indim.