اگرچه هندوستانی تکلف لار قیلیبتورلار ولی بی هواراق یرلاردور مان سنک اوغلی بکرمجیت نینک عمارت لاری قورغاننینک شمالی ساری اورتادا واقع بولوبتور اوغلینینک عمارت لاری اتاسینینک عمارتیچه ایماس بر اولوغ کنبد قیلیبتور خیلی قرانکو مدتی تورغاندین سونکرا روشنلیق ظاهر بولادور بو اولوغ کنبدنینک استیده داغی بر کیچیکراک عمارتتور انکا خود هیچ طرف دین یاروقلوق کیرماس اوشبو اولوغ کنبدنینک اوستیده رحیم داد بر کیچیکراک تالارغینه قیلیبتور رحیم داد اوشبو بکرمجیت نینک عمارت لاریدا اولتوروبتور اوشبو بکرمجیت نینک عمارت لاریدین بر یولی قیلیبتورلار کیم اتاسینینک عمارت لاریغه بارور تاشقاریدین اصلا معلوم
Latin transcription
Agarchi Hindustoniy takalluflar qilipturlar, vale bi-havoroq yerlardur. Mon Sing o‘g‘li Bikramajit-ning imoratlari qo‘rg‘onning shimoli sori o‘rtada voqi’ bo‘luptur. O‘g‘lining imoratlari otasining imoraticha emas. Bir ulug‘ gunbad qiliptur, xayli qorong‘u. Muddati turg‘ondin so‘ngra ro‘shanliq zohir bo‘ladur. Bu ulug‘ gunbadning ostida dog‘i bir kichikrak imorattur. Anga xud hech taraftin yoruqluq kirmas. Ushbu ulug‘ gunbadning ustida Rahimdod bir kichikrak tolorg‘ina qiliptur. Rahimdod ushbu Bikramajitning imoratlarida olturuptur. Ushbu Bikramajitning imoratlaridin bir yo‘li qilipturlar kim otasining imoratlarig‘a borur. Toshqoridin aslo ma’lum
Turkish
Her ne kadar Hint usulü süslemeler yapmışlarsa da havasız yerlerdir. Man Sing’in oğlu Bikramacit’in yapıları, kalenin kuzey yönünde ortadadır. Oğlunun yapıları babasının yapısı kadar değildir. Büyük bir kubbe yaptırmış; çok karanlıktır. Bir süre durduktan sonra ışığı belli olur. Bu büyük kubbenin altında da daha küçük bir yapı vardır. Oraya hiçbir taraftan ışık girmez. Bu büyük kubbenin üstüne Rahimdad küçük bir köşk yaptırmış. Rahimdad bu Bikramacit’in yapılarında oturur. Bikramacit’in bu yapılarından babasının yapılarına giden bir yol yapmışlar. Dışarıdan hiç belli
···
Languages
ColumnsLanguages
Chagatay
ایماس ایچکاریدین هم هیچ یر کورونماس بعضی یردین یاروقلوق کیرار طور یولیدور
Latin transcription
emas. Ichkaridin ham hech yer ko‘runmas. Ba’zi yerdin yoruqluq kirar. Tur [?] yo‘lidur.
Turkish
olmaz. İçeriden de hiçbir yer görünmez. Bazı yerlerden ışık girer. Kapalı bir geçittir [?].
···
Languages
ColumnsLanguages
Chagatay
بو عمارت لارنی سیر قیلیب اتلانیب رحیم داد سالغان مدرسه نی کیریب قورغان نینک جنوبی طرفیدا بر اولوغ حوض نینک یاقاسیدا رحیم داد سالغان باغچه نی تفرج قیلیب کیچ اوردو توشکان چارباغغه کیلدوق بو باغچه دا خیلی کللار تیکیبتور خوش قیزیل کنیر لار خیلی بار بو یرلارنینک کنیری کل شفتالو بولور کوالیار نینک کنیری قیپ قیزیل خوش رنک کنیرلار دور بر پاره قیزیل کنیری کوالیار دین آکره باغلاریغه کیلتورتوب ایکتورتتوم بو باغ جنوبی دا بر اولوغ کولدور بشکال سولاری بو کولدا ییغیلور بو کول نینک غربیده بر بلند بتخانه دور سلطان شمس الدین ایلتتمش بو بتخانه نینک یانیدا بر مسجد جامعی سالیبتور بو بتخانه خیلی بلند بتخانه دور قورغاندا موندین بلندراق عمارت یوق تور و دولپورنینک تاغیدین کوالیار قورغانی و بو بتخانه مشخص کورونور
Latin transcription
Bu imoratlarni sayr qilib otlanib Rahimdod solg‘an madrasani kirib qo‘rg‘onning janubi tarafida bir ulug‘ havzning yaqosida Rahimdod solg‘an bog‘chani tafarruj qilib kech o‘rdu tushgan chorbog‘g‘a kelduk. Bu bog‘chada xayli gullar tikiptur. Xush qizil kanir-lar xayli bor. Bu yerlarning kaniri gul-i shaftolu bo‘lur. Gvoliyorning kaniri qip-qizil xush rang kanirlar-dur. Bir pora qizil kaniri Gvoliyordin Agra bog‘larig‘a kelturtub ekturttum. Bu bog‘ janubi-da bir ulug‘ ko‘ldur. Bishkol sulari bu ko‘lda yig‘ilur. Bu ko‘lning g‘arbida bir baland butxonadur. Sulton Shamsuddin Eltitmish bu butxonaning yonida bir masjid-i jome’i soliptur. Bu butxona xayli baland butxonadur. Qo‘rg‘onda mundin balandroq imorat yo‘qtur va Do‘lpurning tog‘idin Gvoliyor qo‘rg‘oni va bu butxona mushaxxas ko‘runur.
Turkish
Bu yapıları gezip ata binerek Rahimdad’ın yaptırdığı medreseye girdik; kalenin güney tarafında büyük bir havuzun kıyısında Rahimdad’ın kurduğu bahçeyi dolaşıp geç vakitte ordunun konakladığı çarbağa geldik. Bu bahçeye çok çiçek dikmiş. Güzel kırmızı zakkumlar çoktur. Buraların zakkumu şeftali çiçeği renginde olur. Gvaliyor’un zakkumları kıpkırmızı, güzel renklidir. Gvaliyor’dan bir miktar kırmızı zakkumu Agra bahçelerine getirtip diktirdim. Bu bahçenin güneyinde büyük bir göl vardır. Yağmur mevsiminin suları bu gölde toplanır. Gölün batısında yüksek bir tapınak vardır. Sultan Şemseddin İltutmuş bu tapınağın yanına bir cuma camisi yaptırmış. Tapınak çok yüksektir. Kalede bundan yüksek yapı yoktur. Dolpur’un dağından Gvaliyor Kalesi ve bu tapınak açıkça görülür.