Chagatay
کیمه بیله اوتتک تانکلاسی آدینه کونی کیم عاشورا ایدی اندین اتلانیب یولدا بر کینت ته توشلانب نماز خفتن کوالیار دین بر کروه شمال ساری بر چارباغدا کیم مین اوتکان ییل بیوروب ایدیم کیلیب توشتوم تانکلاسی نماز پشین دین سونک اتلانیب کوالیار نینک شمالی پشته لارینی و نمازگاهینی سیر قیلیب کیلیب کوالیار نینک هاتی پول اتلیغ دروازه سیدین کیم راجه مان سنک نینک عمارتی بو دروازه غه پیوست تور کیریب راجه بکرمجیت نینک عمارتلاریغه کیم رحیم داد اندا اولتوروب ایدی کیچ نماز دیکر کیلیب توشتوم اوشبو کیچه قولاغیم نینک تشویشی جهتیدین و ماهتاب هم باعث ایدی افیون اختیار قیلدیم تانکلاسی افیون خماری بسیار تشویش بیردی خیلی قی کردم
Latin transcription
Kema bila o‘ttuk. Tonglasi odina kuni kim oshuro edi andin otlanib yo‘lda bir kentta tushlanib namoz-i xuftan Gvoliyordin bir kuro‘h shimol sori bir chorbog‘da kim men o‘tgan yil buyurup edim kelib tushtum. Tonglasi namoz-i peshindin so‘ng otlanib Gvoliyor-ning shimoli pushtalarini va namozgohini sayr qilib kelib Gvoliyorning Hoti Pul otlig‘ darvozasidin kim Roja Mon Singning imorati bu darvozag‘a payvasttur kirib Roja Bikramajitning imoratlarig‘a kim Rahimdod anda olturup edi kech namoz-i digar kelib tushtum. Ushbu kecha qulog‘imning tashvishi jihatidin va mohtob ham bois edi afyun ixtiyor qildim. Tonglasi afyun xumori bisyor tashvish berdi. Xayli qay kardam.
Turkish
Gemiyle geçtik. Ertesi gün, aşure günü olan cuma, oradan hareket edip yolda bir köyde öğle molası verdik. Yatsıda Gvaliyor’un bir kürûh kuzeyinde, geçen yıl yapılmasını emrettiğim bir çarbağa gelip indim. Ertesi gün öğleden sonra ata binerek Gvaliyor’un kuzeyindeki tepeleri ve namazgâhını gezdim; sonra Gvaliyor’un Hati Pul adlı kapısından girdim. Raca Man Sing’in yapısı bu kapıya bitişiktir. Rahimdad’ın oturduğu Raca Bikramacit’in yapılarına, geç ikindi vakti gelip indim. O gece kulağımdaki rahatsızlık yüzünden, ay ışığının da etkisiyle, afyon aldım. Ertesi gün afyonun sersemliği çok rahatsız etti. Çok kustum.