آدینه کونی محرم اینینک اوچیده عسکری کیم چندیری یوروشیدین بورونراق ملتان مصلحتیغه تیلاب ایدیم کیلیب خلوتخانه ده ملازمت قیلدی تانکلاسی خواندمیر مورخ و مولانا شهاب معمایی و میر ابراهیم قانونی یونس علی نینک قرابتی کیم مدت مدید ایدی کیم ملازمت داعیه سی بیله هری دین چیقیب ایدیلار کیلیب ملازمت قیلدیلار
Latin transcription
Odina kuni Muharram oyining uchida Askariy, kim Chanderi yurushidin burunroq Multon maslahatig‘a tilab edim, kelib xilvatxonada mulozamat qildi. Tonglasi Xondamir muvarrix va Mavlono Shihob Muammoiy va Mir Ibrohim Qonuniy, Yunus Alining qarobati, kim muddat-i madid edi kim mulozamat do’iyasi bila Heridin chiqib edilar, kelib mulozamat qildilar.
Turkish
Cuma günü, muharrem ayının üçünde, Çanderi seferinden önce Multan işi için çağırdığım Askerî gelip özel dairede huzuruma çıktı. Ertesi gün tarihçi Handemir, Mevlâna Şihab Muammaî ve Yunus Ali’nin akrabası Mir İbrahim Kanunî, uzun zamandır hizmetime girmek niyetiyle Herat’tan çıkmışlardı; gelip huzuruma çıktılar.
···
Languages
ColumnsLanguages
Chagatay
یکشنبه ذکر ای نینک بیشیده گوالیار سیری داعیه سی بیله کیم کتابلارده گالیور بیتیرلار جون دین کیچیپ اگره قلعه سیغه کیریب فخر جهان بیکم بیله خدیجه سلطان بیکم بیله کیم اوشول ایکی اوچ کونده کابلغه عزیمت قیلماقچی ایدیلار خیرباد قیلیب اتلاندیم
Latin transcription
yakshanba zikr oyining beshida Gvoliyor sayri do’iyasi bila, kim kitoblarda Goliyur bitirlar, Jundin kechib Agra qal’asig‘a kirib Faxr-i Jahon Begim bila Xadicha Sulton Begim bila, kim ushul ikki uch kunda Kobulg‘a azimat qilmoqchi edilar, xayrbod qilib otlandim.
Turkish
Pazar, adı geçen ayın beşinde Gvaliyar’ı gezmek niyetiyle, ki kitaplarda Galiyur yazarlar, Cun’u geçip Agra kalesine girerek Fahr-i Cihan Begim ve Hatice Sultan Begim’le, ki o iki üç gün içinde Kabil’e gitmek niyetindeydiler, vedalaşıp atlandım.
···
Languages
ColumnsLanguages
Chagatay
محمد زمان میرزا رخصت تیلاب اگره ده قالدی اوشول کیچه اوچ تورت کروه یول یوروب بر کول یقاسیده توشوب اویقولادوک نمازنی ایرترراک اوتاب اتلاندوک گنبیر سویی نینک یقاسیده توشلانیب نماز پیشین اندین اتلانیب یولدا ملا رفیع یاساغان سفوفنی کیفیت اوچون تالغان بیله چالیب ایچتوک بسیار بدخور و بی مزه بولدی کیچ نماز دیگر دولپور نینک بر کروه یده غرب ساری باغ و عمارتغه کیم بیورولوب ایدی کیلیب توشتوم بو باغ و عمارت بیورغان بر تاغنینک تومشوقینینک توکنیشی واقع بولوبتور بو تاغ توکنیشی تومشوق یکپاره قیزیل عمارت تاشی دور و مین مونی بیوروب ایدیم کیم بو تاغنی قازیب یرکه یتکورکایلر
Latin transcription
Muhammad Zamon Mirzo ruxsat tilab Agrada qoldi. Ushul kecha uch to‘rt kuro‘h yo‘l yurub bir ko‘l yaqosida tushub uyquloduq. Namozni ertarroq o‘tab otlanduq. Gambir suyining yaqosida tushlanib namoz-i peshin andin otlanib yo‘lda Mullo Rafi’ yosog‘on safufni kayfiyat uchun tolg‘on bila cholib ichtuk. Bisyor badxo‘r u be-maza bo‘ldi. Kech namoz-i digar Dulpurning bir kuro‘hida g‘arb sori bog‘ u imoratig‘a kim buyurulup edi kelib tushtum. Bu bog‘ u imorat buyurg‘an bir tog‘ning tumshuqining tukanishi voqi’ bo‘luptur. Bu tog‘ tukanishi tumshuq yakpora qizil imorat toshi-dur va men muni buyurup edim kim bu tog‘ni qazib yerga yetkurgaylar.
Turkish
Muhammed Zaman Mirza izin isteyip Agra’da kaldı. O gece üç dört kürûh yol gidip bir göl kıyısına konarak uyuduk. Namazı daha erkence kılıp atlandık. Gambir suyunun kıyısında öğle molası verip öğle namazında oradan hareket ettik. Yolda Molla Refî’nin hazırladığı toz ilacı keyif vermesi için kavrulmuş unla karıştırıp içtik. Çok kötü içimli ve tatsız oldu. Geç ikindide Dulpur’un bir kürûh batısındaki bahçe ve yapıya yapılması emredilmişti; gelip indim. Bu bağ ile yapının yapılmasını emrettiğim yer, bir dağın burnunun bittiği yerdir. Bu dağın ucundaki çıkıntı, tek parça kırmızı yapı taşıdır. Bu dağı kazıp yer seviyesine indirmelerini emretmiştim.