ایرتیسی که اندین کوچتوک خاطرغه کیچتی کیم بو نواحی ده اولوغ سولوغ اردوغه سوی وفا قیلور یر سیکری دور احتمالی بار کیم کافر سونی آلیب توشکای بو جهت تین برانغار جوانغار غول یسال یاساب اوق متوجه بولدوق درویش محمد ساربان بیله قسمتی کیم بیانه غه باریب کیلیب هر سونی کوروب بیلیب ایدی ایلکاری سیکری کولی نینک یقه سیده یورت کورا ییباريلدی کیلیب یورت ته توشوب مهدی خواجه غه بیانه داغیلارغه کیشی چاپتورولدی کیم بی توقف کیلیب توشکای لار همایون نینک نوکری بیک میرک مغولنی بیر نیچه ییکیت بیله کافردین خبر آلغالی ییباريلدی
Latin transcription
ertesiga andin ko‘chtuk. Xotirg‘a kechti kim bu navohida ulug‘ suluq o‘rdug‘a suyi vafo qilur yer Sikriydur. Ehtimoli bor kim kofir suni olib tushkay. Bu jihattin barang‘or javong‘or g‘o‘l yasol yosob-o‘q mutavajjih bo‘lduq. Darvesh Muhammad Sorbon bila Qisimtay kim Bayonag‘a borib kelib har suni ko‘rub bilib edi, ilgari Sikriy ko‘lining yaqasida yurt ko‘ra yiborildi. Kelib yurtta tushub Mahdi Xojag‘a Bayonadag‘ilarg‘a kishi chopturuldi kim betavaqquf kelib tushgaylar. Humoyunning navkari Beg Mirak Mo‘g‘ulni bir necha yigit bila kofirdin xabar olg‘oli yiborildi.
Turkish
ertesi gün oradan göçtük. Aklımdan geçti ki bu yörede bol suyu bulunan, orduya suyu yetecek yer Sikri’dir. Düşmanın suyu tutup konması mümkündür. Bu nedenle sağ kanat, sol kanat ve merkezi savaş düzenine sokarak ilerledik. Derviş Muhammed Sarban ile Kısımtay, Biyana’ya gidip gelmiş, bütün suları görüp öğrenmiş olduklarından ileride Sikri gölünün kıyısında konak yeri seçmeye gönderildiler. Gelip konağa indikten sonra Mehdi Hoca’ya, Biyana’dakilere durmadan gelip katılmaları için haberci koşturuldu. Hümayun’un nökeri Bey Mirek Moğol’u birkaç yiğitle düşmandan haber almaya gönderdik.
Languages
For passage 618.2 only.
ColumnsLanguages
Chagatay
کیچه سی که باریب خبر آلیب تانکلاسیغه خبر کیلتوردیلار کیم غنیم کیشی سی بوساوردین بیر کروه ایلکارراک کیلیب توشکان ایرمیش هم اوشبو کون مهدی خواجه و محمد سلطان میرزا و بیانه داغی ایلغار کیلیب قوشولدی لار بیکلار نوبت بیله قراوللوققه تعیین بولدیلار عبدالعزیز قراوللوق نوبتی دا ایلکاری کیینی ملاحظه قیلمای راست کانوغه باریبتور کیم سیکری دین بیش کروه یول دور کافر ایلکارراک کوچکان ایکندور بولارنینک مونداق جلاوسیز ایلکاری بارغانلارنی بیلیب کیلورلار عبدالعزیز و یا ملا آفاق مینک مینک بیش یوزچه کیشی بولغای ایدی غنیم کیشی سینی چاغلامای بولار هم ایلیک قوشارلار قالین کیشی الهان بیله اوق تی پرار بو خبر بیزکه کیلکاچ محب علی خلیفه نی خلیفه نینک نوکرلاری بیله ییباردوک ملا حسین
Latin transcription
Kechasiga borib xabar olib tonglasig‘a xabar kelturdilar kim g‘anim kishisi Busovardin bir kuroh ilgarirak kelib tushkan ermish. Ham ushbu kun Mahdi Xoja va Muhammad Sulton Mirzo va Bayonadag‘i ilg‘or kelib qo‘shuldilar. Beglar navbat bila qarovulluqqa ta’yin bo‘ldilar. Abdulaziz qarovulluq navbatida ilgari-keyinni mulohaza qilmay rost Konug‘a boribtur kim Sikriydin besh kuroh yo‘l-dur. Kofir ilgarirak ko‘chkan ekandur. Bularning mundoq jilovsiz ilgari borg‘onlarni bilib kelurlar. Abdulaziz [va yo?] Mullo Ofoq ming-ming besh yuzcha kishi bo‘lg‘oy edi. G‘anim kishisini chog‘lamay bular ham ilik qo‘sharlar. Qalin kishi alahon bila-o‘q te-prar. Bu xabar bizga kelgach Muhibb Ali-i Xalifani Xalifaning navkarlari bila yiborduk. Mullo Husayn
Turkish
Gece gidip bilgi aldılar, ertesi gün düşman askerinin Busavar’dan bir kürûh ileride konakladığı haberini getirdiler. Yine aynı gün Mehdi Hoca, Muhammed Sultan Mirza ve Biyana’daki öncüler gelip katıldılar. Beyler nöbetleşe keşif görevine tayin edildiler. Abdülaziz keşif nöbetinde önünü arkasını düşünmeden doğruca Kanu’ya gitmiş; orası Sikri’den beş kürûh yol-dur. Düşman biraz daha ilerlemişmiş. Bunların böylesine kontrolsüzce ileri gittiğini öğrenip üzerlerine geldiler. Abdülaziz [ve/ya?] Molla Afak’ın yanında bin, bin beş yüz kadar adam var-dı. Düşmanın sayısını kestirmeden onlar da çatışmaya girdiler. Kalabalık birlik bir anda dağıl-dı. Bu haber bize gelince Muhibb Ali Halife’yi Halife’nin nökerleriyle gönderdik. Molla Hüseyin’i
Open a passage for notes, comparisons and a link to the text.