بارغان کیشی لار خبر ییتکوره الماس لار بلکه قورغانغه هم کیرالماس لار قورغان ایلی قورغاندین یراقراق و بی صرفه راق چیقارلار یاغی زورراق کیلیب بولارنی دورباتور سنکر خان جنجوه اندا شهید بولدی غوغادا کته بیک جبه سیز اوق چاپیب چیقار بیر کافرنی ییاغلاتیب آلور محلده کته بیک نینک بیر نوکری نینک قیلیچینی آلیب کته بیک نینک کتفیغه اوق چاپار
Latin transcription
borg‘on kishilar xabar yetkura olmaslar, balki qo‘rg‘ong‘a ham kira olmaslar. Qo‘rg‘on eli qo‘rg‘ondin yiroqroq va besarfarroq chiqarlar. Yog‘i zo‘rroq kelib bularni durbotur. Sangar Xon Janjuh anda shahid bo‘ldi. G‘avg‘oda Kata Beg jebasiz-o‘q chopib chiqar. Bir kofirni yayog‘latib olur mahalda Kata Begning bir navkarining qilichini olib Kata Begning katfig‘a-o‘q chopar.
Turkish
gidenler haber ulaştıramıyor, hatta kaleye bile giremiyorlardı. Kaledekiler kaleden daha uzağa, tedbirsizce çıkmışlar; düşman üstün gelip onları dağıtmıştı. Senger Han Cancuha orada şehit oldu. Kargaşada Kete Bey zırhsız olarak at sürüp çıktı. Bir kâfiri attan indirip ele geçireceği sırada [o adam] Kete Bey’in bir nökerinin kılıcını alıp doğrudan Kete Bey’in omzuna vurdu.
···
Languages
ColumnsLanguages
Chagatay
غلبه تشویش لار تارتی رانا سانکا نینک غزاسیغه کیله المادی نیچه محل دین سونک یخشی راق بولدی ولی معیوبراق بولوبتور قسمتی و شاه منصور برلاس و هرکیم که بیانه دین کیلدی بیلمان قورققانلاری مو ایدی یا ایل نی قورقوتماقلاری مو ایدی کافرنینک چریکی نی جلد و جریلیق بیله اسرو کوب ستایش و تعریف قیلدیلار سفر قیلغان یورت تین قاسم میرآخورنی بیلدارلار بیله ییباريلدی کیم مدهکور پرکنه سیده کیم اردو توشار یردور قالین چاه قازدرغای شنبه کونی جمادی الاول آیی نینک اون تورتیده آکره نواحی سیدین کوچوب چاه لار قازیلغان یورتقه کیلیب توشولدی
Latin transcription
G‘alaba tashvishlar tortti. Rano Sangoning g‘azosig‘a kela olmadi. Necha mahaldin so‘ng yaxshiroq bo‘ldi, vali ma’yubroq bo‘lubtur. Qisimtay va Shoh Mansur Barlos va har kimki Bayonadin keldi, bilman qo‘rqqonlari mu edi yo elni qo‘rqutmoqlari mu edi, kofirning cherikini jald-u jariliq bila asru ko‘p sitoyish-u ta’rif qildilar. Safar qilg‘on yurttin Qosim Miroxurni beldorlar bila yiborildi kim Madhokur parganasida kim o‘rdu tushar yerdur, qalin choh qozdurg‘oy. Shanba kuni Jumodiy ul-avval oyining on-to‘rtida Agra navohisidin ko‘chub chohlar qozilg‘on yurtqa kelib tushuldi.
Turkish
Pek çok sıkıntı çekti. Rana Sanga gazasına gelemedi. Bir süre sonra iyileşti ama biraz sakat kaldı. Kısımtay, Şah Mansur Barlas ve Biyana’dan gelen herkes, bilmiyorum korktuklarından mı yoksa halkı korkutmak için mi, kâfirlerin ordusunun çevikliğini ve cesaretini aşırı derecede övüp anlattılar. Sefere çıktığımız konaktan Kasım Mirahur’u kazıcılarla gönderdik ki ordunun konacağı Madhakur nahiyesinde çok sayıda kuyu kazdırsın. Cumartesi, cemaziyelevvel ayının on dördünde Agra yöresinden göçüp kuyuların kazıldığı konağa geldik.