Chagatay
بلخ داغیلار عاجز بولدیلار بلخ کیتین قرا سلطان نینک ایلیکیکه توشتی بو کاواک مردک اینیسی بیله بو طرف نینک ایش کوچینی بویونلاریغه آیبک و خرم و سارباغ نواحی سیغه کیلورلار شاه اسکندر بلخ نینک کیرکانیدین بی پای بولوب غوری قلعه سینی اوزبککه بیرور ملا بابا بیله بابا شیخ بیر نیچه اوزبک کیشی سی بیله غوری قورغانیغه کیلیب کیرارلار میر همه نینک قورغانی چون یقین ایدی چاره قیلا الماس اوزبککه کیرار بیر نیچه کوندین سونک میرنی جماعتی بیله کوچوروب بلخ ساری ایلتار مصلحتی دین بابا شیخ بیر نیچه اوزبک کیشی سی بیله میر همه نینک قورغانیغه کیلورلار میر همه بابا شیخنی قورغانیدا توشورور اوزکالارنی هر یرده اوتاغ بیرورلار میر همه بابا شیخ نی چاپقولاب بیر نیچه کیشی سی بیله بند قیلیب تنکریبردی که قندوزغه کیشی چاپتورور
Latin transcription
Balxdag‘ilar ojiz bo‘ldilar. Balx Kitin Qaro Sultonning ilikiga tushti. Bu kovok mardak inisi bila bu tarafning ish-kuchini bo‘yunlarig‘a Aybak va Xurram va Sorbog‘ navohisig‘a kelurlar. Shoh Iskandar Balxning kirganidin bepoy bo‘lub G‘avriy qal’asini O‘zbekka berur. Mullo Bobo bila Bobo Shayx bir necha o‘zbek kishisi bila G‘avriy qo‘rg‘onig‘a kelib kirarlar. Mir Hamaning qo‘rg‘oni chun yaqin edi, chora qila olmas. O‘zbekka kirar. Bir necha kundin so‘ng Mirni jamoati bila ko‘churub Balx sori eltar maslahati-din Bobo Shayx bir necha o‘zbek kishisi bila Mir Hamaning qo‘rg‘onig‘a kelurlar. Mir Hama Bobo Shayxni qo‘rg‘onida tushurur. O‘zgalarni har yerda o‘tog‘ berurlar. Mir Hama Bobo Shayx-ni chopqulob bir necha kishisi bila band qilib Tengriberdiga Qunduzg‘a kishi chopturur.
Turkish
Belh’tekiler çaresiz kaldılar. Belh, Kitin Kara Sultan’ın eline geçti. Bu boş kafalı adam kardeşiyle bu tarafın işlerini üstlerine [alıp] Aybek, Hurrem ve Sarbağ yöresine geldiler. Şah İskender, Belh’in düşmesiyle dayanaksız kalıp Gavri Kalesi’ni Özbeklere verdi. Molla Baba ile Baba Şeyh birkaç Özbek’le Gavri Kalesi’ne gelip girdiler. Mir Heme’nin kalesi yakın olduğundan başka çare bulamayıp Özbeklere boyun eğdi. Birkaç gün sonra Mir’i yanındakilerle göçürüp Belh’e götürmek düşüncesiy-le Baba Şeyh birkaç Özbek’le Mir Heme’nin kalesine geldi. Mir Heme Baba Şeyh’i kalesinde konuk etti. Diğerlerine ayrı ayrı yerlerde konak verdiler. Mir Heme Baba Şeyh’-i kılıçla yaralayıp birkaç adamıyla esir etti ve Kunduz’a, Tengribirdi’ye haberci koşturdu.