برسی نینک خود حالی خراب ایدی آخر باری خلاص بولدی لار رسیده بود بلایی ولی بخیر کذشت تنکری منکا باشدین جان بیردی اول دنیادین کیلادورمین انامدین ایمدی توغدوم مین خسته اولوب ایدیم تیریلدیم جان قدرینی بالله ایمدی بیلدیم
Latin transcription
Birisining xud holi xarob edi. Oxir bori xalos bo‘ldilar. [Forsiy:] Rasida bud baloyi, vali [Forsiy:] ba xayr guzasht. [Chag‘atoy:] Tengri manga boshdin jon berdi. Ul dunyodin keladurmen. Onomdin imdi tug‘dum. Men xasta o‘lub edim, tirildim; jon qadrini billoh imdi bildim.
Turkish
Birinin durumu pek kötüydü. Sonunda hepsi kurtuldu. [Farsça:] Bir bela erişmişti, fakat [Farsça:] hayırla geçti. [Çağatayca:] Tanrı bana yeniden can verdi. Öbür dünyadan dönüyorum. Anamdan şimdi doğdum. Ben hasta, ölmüştüm de dirildim; vallahi canın değerini şimdi bildim.
···
Languages
ColumnsLanguages
Chagatay
سلطان محمد بخشیغه بیوردوم کیم باورچی نی احتیاط قیلغای قینغه کیم توتار مذکور بولغان دیک برین برین شرحی بیله آیتور دوشنبه کونی دیوان کونی بیوردوم کیم اکابر و اشراف و امرا و وزرا دیواندا حاضر بولغایلار اول ایکی ایر کیشی نی و ایکی خاتون کیشی نی کیلتوروب سورغایلار بیان واقعی نی شرح و بسطی بیله آیتی لار اول چاشنیکرنی پاره پاره قیلدوردوم باورچی نی تریکلای تیریسینی سویدوردوم و اول خاتونلار نینک بریسینی فیل استیغه سالدوردوم اول هم اوز عملیغه کرفتار بولوب جزاسیغه یتکوسیدور شنبه کونی بر ایاق سوت ایچتیم یکشنبه کونی هم بر ایاق سوت ایچتیم
Latin transcription
Sulton Muhammad Baxshig‘a buyurdum kim bovurchini ehtiyot qilg‘oy. Qing‘a kim tutar mazkur bo‘lg‘on dek birin birin sharhi bila aytur. Dushanba kuni devon kuni buyurdum kim akobir va ashrof va umaro va vuzaro devonda hozir bo‘lg‘oylar. Ul ikki er kishini va ikki xotun kishini kelturub so‘rg‘oylar. Bayoni voqi’ni sharh va basti bila ayttilar. Ul choshnigirni pora-pora qildurdum, bovurchini tiriklay terisini soydurdum va ul xotunlar ning birisini fil ostig‘a soldurdum. Ul ham o‘z amalig‘a giriftor bo‘lub jazosig‘a yetgusidur. Shanba kuni bir oyoq sut ichtim. Yakshanba kuni ham bir oyoq sut ichtim.
Turkish
Sultan Muhammed Bahşı’ya aşçıyı gözetim altına almasını buyurdum. İşkenceye tutunca, sözü edilen olayları bir bir ayrıntısıyla anlatır. Pazartesi, divan günü, büyüklerin ve ileri gelenlerin, emirlerin ve vezirlerin divanda bulunmalarını buyurdum. O iki erkek ile iki kadın getirilip sorgulansın. Olanları ayrıntılarıyla anlattılar. O çaşnigiri parça parça ettirdim; aşçının derisini diri diri yüzdürdüm. O kadınlar dan birini filin altına attırdım. O da kendi yaptığının sonucuna uğrayıp cezasına erişecektir. Cumartesi bir kadeh süt içtim. Pazar günü de bir kadeh süt içtim.
···
Languages
ColumnsLanguages
Chagatay
کل مختومنی هم عرقغه حل قیلیب ایچتیم سوت ایچمنی خیلی سوردی دوشنبه کونی اولونچی کونی صفرای سوخته دیک قرا قرا نیمه لار دفع بولدی شکر حالا هیچ قصه یوقتور
Latin transcription
Gili maxtumni ham araqqa hall qilib ichtim. Sut ichimni xayli surdi. Dushanba kuni avvalinchi[?] kuni safroyi suxta dek qoro-qoro nimalar daf’ bo‘ldi. Shukr holo hech qissa yo‘qtur.
Turkish
Mühürlü kili de arakta eritip içtim. Süt bağırsaklarımı çok çalıştırdı. Pazartesi günü ilk[?] gün, yanmış safra gibi kapkara şeyler dışarı çıktı. Şükür, şimdi hiçbir sıkıntı yok.
···
Languages
ColumnsLanguages
Chagatay
جان مونداق عزیز نیمه ایمیش مونچه بیلماس ایدیم اول مصرع بار کیم کیم اولر حالتغه یتسه اول بیلور جان قدرینی هر قایان بو واقعه هائله خاطریمغه کیلسه بی خواست حالیم متغیر بولور تنکری تعالی نینک عنایتی بار ایگاندور کیم منکا یانکی باشدین جان باغیشلادی
Latin transcription
Jon mundoq aziz nima emish, muncha bilmas edim. Ul misra’ bor kim: Kim o‘lar holatig‘a yetsa ul bilur jon qadrini. Har qachon bu voqiai hoila xotirimg‘a kelsa bexost holim mutag‘ayyir bo‘lur. Tengri taoloning inoyati bor ekandur kim manga yangi boshdin jon bag‘ishladi.
Turkish
Can böyle aziz bir şeymiş; bu kadar olduğunu bilmezdim. Şu mısra vardır: Kim ölüm haline erişirse canın değerini o bilir. Bu korkunç olay ne zaman aklıma gelse, istemeden halim değişir gider. Yüce Tanrı’nın inayeti varmış ki bana yeniden can bağışladı.