طوس نی سکز آی قاماب صلح بیله آلیب عهدغه تورمای تمام ایر آتاغلیقنی قیریب خاتونلارنی اسیر قیلورلار هم اوشبو ییل سلطان مظفر کجراتی نینک بهادر خان آتلیق اوغلی کیم حالا آتاسی نینک اورنیده کجرات ته پادشاه بولوب تور آتاسی دین یامانلاب سلطان ابراهیم قاشیغه کیلدی بو بی عزتانه کوردی پانی پت نواحیسیدا ایکاندا منکا عرضداشت لاری کیلدی من هم عنایت آمیز مشفقانه فرمانلار ییبارب تیلادیم
Latin transcription
Tusni sekiz oy qamab, sulh bila olib, ahdg‘a turmay tamom er atog‘liqni qirib xotunlarni asir qilurlar. Ham ushbu yil Sulton Muzaffar Gujarotining Bahodur Xon otliq o‘g‘li kim holo otasining o‘rnida Gujarotta podshoh bo‘lubtur, otasidin yomonlab Sulton Ibrohim qoshig‘a keldi. Bu be-izzatona ko‘rdi. Ponipat navohisida ekanda manga arzdoshtlari keldi. Men ham inoyatomiz mushfiqona farmonlar yiborib tiladim.
Turkish
Tus’u sekiz ay kuşatıp barışla aldıktan sonra sözlerinde durmayarak erkek denen herkesi öldürüp kadınları esir ederler. Yine bu yıl Sultan Muzaffer Gücerati’nin Bahadır Han adlı oğlu ki şimdi babasının yerine Gücerat’ta padişah olmuştur, babasıyla arası açılıp Sultan İbrahim’in yanına geldi. O kendisine saygısız davrandı. Panipat yöresindeyken bana dilekçeleri geldi. Ben de lütufkâr, şefkatli fermanlar gönderip çağırdım.
···
Languages
ColumnsLanguages
Chagatay
کیلور خیالدا ایدی ینه رای منقلب بولوب ابراهیم نینک چریکیدین ایریلیب کجرات ساری متوجه بولدی اوشبو فرصت لاردا آتاسی سلطان مظفر فوت بولوب آکاسی اسکندر شاه کیم سلطان مظفر نینک اولوق اوغلی بولغای آتاسی اورنیده کجرات ته پادشاه بولدی معاشی نینک یمانلیغی دین عماد الملک آتلیق قولی جمعی بیله هم جهت بولوب اسکندر شاه نی بوغوب اولتوروب بهادر خان نی کیم هنوز یولدا ایدی تیلاب کیلتوروب آتاسی نینک اورنیغه اولتورکوزدی بهادر شاه قه ملقب بولدی بو هم خوب باردی عماد الملک نی کیم مونداق نمک حراملیق سر اوروب ایدی اولتوروب جزاسیغه یتکوردی موندین باشقه هم آتاسیدین قالغان بیگلارنی خیلی اولتوردی خیلی [خونریز؟]
Latin transcription
Kelur xayolda edi. Yana ray munqalib bo‘lub Ibrohimning cherikidin ayrilib Gujarot sori mutavajjih bo‘ldi. Ushbu fursatlarda otasi Sulton Muzaffar favt bo‘lub og‘asi Iskandar Shoh kim Sulton Muzaffarning ulug‘ o‘g‘li bo‘lg‘oy, otasi o‘rnida Gujarotta podshoh bo‘ldi. Maoshining yomonlig‘i din Imodul-mulk otliq quli jam’i bila ham-jihat bo‘lub Iskandar Shohni bo‘g‘ub o‘lturub, Bahodur Xonni kim hanuz yo‘lda edi, tilab kelturub otasining o‘rnig‘a olturg‘uzdi. Bahodur Shohqa mulaqqab bo‘ldi. Bu ham xub bordi: Imodul-mulkni kim mundoq namak-haromliq sar urub edi, o‘lturub jazosig‘a yetkurdi. Mundin boshqa ham otasidin qolg‘on beglarni xayli o‘lturdi. Xayli [xunrez?]
Turkish
Gelmeyi düşünüyordu. Sonra fikri değişip İbrahim’in ordusundan ayrılarak Gücerat tarafına yöneldi. Bu sırada babası Sultan Muzaffer öldü ve ağabeyi İskender Şah, Sultan Muzaffer’in büyük oğlu, babasının yerine Gücerat’ta padişah oldu. Yaşayışının kötülüğü yüzünden İmadülmülk adlı kulu bir grupla birleşip İskender Şah’ı boğarak öldürdü; henüz yolda olan Bahadır Han’ı çağırıp getirterek babasının yerine oturttu. Bahadır Şah unvanını aldı. O da iyi davrandı: böyle nankörlük etmiş olan İmadülmülk’ü öldürerek cezasına ulaştırdı. Bundan başka babasından kalan beylerin de birçoğunu öldürdü. Onu çok [kan döken?]