Demir Barlas
Open a passage to bookmark it.
Saved in this browser.نی یالغوز یا جامه و کتاب و رخت و متاع قه باریغه تاثیر قیلادور عمارت هم کوپ تورمایدور
Ne yolg‘uz yo, joma va kitob va raxt va mato‘qa borig‘a ta’sir qiladur. Imorat ham ko‘p turmaydur.
Yalnız yaya değil, giysi, kitap, eşya ve malların hepsine etki eder. Yapılar da uzun süre dayanmaz.
پشکال دین باشقه هم قیش و یاز یخشی هوا لاردور ولی شمال ییلی همیشه قوپادور کرد و خاک خیلی بولادور یازلاردا ثور و جوزاده پشکال غه یوق بو ییل ییلدا تورت بیش نوبت بسیار تند قوپادور انداق کیم کرد و خاک اول مرتبه دا بولادور کیم بیر بیرینی کوروب بولمایدور مونی اندهی دیدورلار جوزادا ایسیق بولادور ولی انچه بی اعتدال ایسیق ایماستور بلخ و قندهار نی ایسقی نینگ چو یوغتور و امتدادی خود اول ییرلر یاریمیچه بولغای ینه بیر لطافتی بودور کیم هر صنف دین و هر حرفه کردین بی حد و بی نهایت تور هر ایش اوچون و هر نیمه اوچون جمعی مقرر و معین دور کیم آتا آتالاری دین بیری اول ایش و اول نیمه نی قیلا کیلدورلار نیچوک کیم ظفرنامه دا تیمور بیک نینگ مسجد سنگین عمارتی نی قیلوردا ملا شرف مونداق مبالغه
Pashkol-din boshqa ham qish va yoz yaxshi havolardur, vale shimol yeli hamisha qo‘padur. Gard-u xok xayli bo‘ladur. Yozlarda Savr va Javzoda pashkolg‘a yovuq bu yel yilda to‘rt besh navbat bisyor tund qo‘padur. Andoq kim gard-u xok ul martabada bo‘ladur kim bir birini ko‘rub bo‘lmaydur. Muni andhi deydurlar. Javzoda issiq bo‘ladur, vale ancha be-e’tidol issiq emastur. Balx va Qandahorning issig‘ining chu yo‘qtur va imtidodi xud ul yerlar yarimicha bo‘lg‘oy. Yana bir latofati budur kim har sinfdin va har hirfagardin be-hadd va be-nihoyattur. Har ish uchun va har nima uchun jam’i muqarrar va muayyan-dur kim ota otalaridin beri ul ish va ul nimani qila keldurlar. Nechuk kim Zafarnomada Temur Begning Masjid-i Sangin imoratini qilurda Mullo Sharaf mundoq mubolag‘a
Yağmur mevsimi dışında kışın ve yazın hava güzeldir; fakat kuzey rüzgârı sürekli eser. Toz toprak çok olur. Yazın, Boğa ve İkizler burçlarında, yağmur mevsimine yakın bu rüzgâr yılda dört beş kez çok sert eser. Öyle toz toprak kalkar ki insanlar birbirlerini göremez olur. Buna andhi derler. İkizler burcunda hava sıcak olur; fakat o kadar aşırı sıcak değildir. Belh ve Kandahar sıcağıyla karşılaştırılamaz; süresi de oralardakinin yarısı kadardır. Bir başka güzel yanı da şudur: her sınıftan ve her zanaattan insan sayısızdır. Her iş ve her şey için belirli bir topluluk vardır; atalarından beri o işi yapagelmişlerdir. Nitekim Zafername’de Molla Şeref, Timur Bey’in Taş Mescit’i yaptırmasını şöyle abartılı
بیله بیتیب تور کیم آذربایجان و فارس و هندوستان و ینه اوزکه ممالک سنگ تراش لاری دین هر کوندا ایکی یوز کیشی مسجد تا ایش قیلورلار ایدی بیز اکره دا اوشبو اکره نینگ سنگ تراش لاری دین من نینگ عمارت لاریمدا هر کون آلتی یوز سکسین کیشی ایش قیلور لار ایدی ینه اکره دا و سیکری دا و بیانه دا و دولپور دا و کوالیار دا و کول دا مینگ تورت یوز توقسان بیر سنگ تراش هر کوندا منینگ عمارت لاریمدا ایش قیلورلار ایدی هر حرفه کر و هر کارکردین اوشبو قیاس بیله هندوستان دا بی حد و بی نهایت تور
bila bitibtur kim Ozarboyjon va Fors va Hinduston va yana o‘zga mamolik sangtarosh-laridin har kunda ikki yuz kishi masjidta ish qilurlar edi. Biz Agra-da ushbu Agraning sangtaroshlaridin mening imoratlarimda har kun olti yuz sakson kishi ish qilur-lar edi. Yana Agra-da va Sikri-da va Biyona-da va Dulpur-da va Guvolyor-da va Ko‘l-da ming to‘rt yuz to‘qson bir sangtarosh har kunda mening imoratlarimda ish qilurlar edi. Har hirfa-gar va har korgardin ushbu qiyos bila Hinduston-da be-hadd va be-nihoyattur.
biçimde yazmıştır: Azerbaycan, Fars, Hindistan ve başka ülkelerin taş ustalarından her gün iki yüz kişi mescitte çalışırdı. Biz Agra’dayken yalnız bu Agra’nın taş ustalarından her gün altı yüz seksen kişi benim yapılarımda çalışırdı. Ayrıca Agra, Sikri, Biyane, Dulpur, Guvalyar ve Kûl’da bin dört yüz doksan bir taş ustası her gün yapılarımda çalışırdı. Her zanaat-kâr ve her işçi türü Hindistan’da buna göre sayısızdır.