✺Baburname

xo‘shasi dek bo‘ladur. Uzumning xo‘shasidin xeyli ulug‘roq bo‘lur. Derlar kim nabotot arosida xurmo diraxtining ikki ishi hayvonotqa o‘xshar: ul kim nechuk kim hayvonot boshini kessalar hayoti munqati’ bo‘lur, xurmo diraxtining ham boshi kesilsa qurur. Yana bir ul kim nechuk kim hayvonottin benar natija hosil bo‘lmas, xurmo diraxtig‘a ham nar xurmodin shoxini kelturub tegurmasalar yaxshi bar bermas. Bu so‘zning haqiqi ma’lum emas. Xurmoning boshi kim mazkur bo‘ldi, ul paniridin iborattur. Xurmo paniri andoq bo‘lur kim shox va bargining chiqor yeri panir dek oq bo‘ladur. Bu oq panir dekdin shox va barg chiqodur. Shox va barg uzog‘on sayi bargi sabzroq bo‘ladur. Bu oq

nimani xurmoning paniri derlar. Tavridur, yomon emas. Yang‘oqning o‘l mag‘zig‘a xeyli o‘xshar.

Ushbu panir bo‘lur yerni zaxm qilodurlar. Ul zaxmg‘a xurmo bargini andoq qo‘yodurlar kim ul zaxmdin har su kelsa bu xurmo bargining usti bila oqodur. Bargni ko‘zaning og‘zig‘a qo‘yub ko‘zani diraxtg‘a bog‘lobturlar. Ul zaxmdin har su kim hosil bo‘lsa ko‘zada yig‘ilodur. Agar filhol ichilsa chuchumanrak sudur. Uch-to‘rt kundin so‘ng ichilsa filjumla kayfiyati bor, derlar. Men bir navbat Borini sayr qila borg‘onda Chanbal daryosining yaqosidag‘i kentlarga sayr qila borib edim. Yo‘lda qo‘lda ushbu nav’ xurmo suyini olodurg‘onlar uchradi. Bu sudin xeyli ichildi, kayfiyati ma’lum bo‘lmadi. G‘olibo xeyli ichmak kerak kim andak kayfiyati ma’lum bo‘lg‘oy. Yana norgildur. Arab muarrab qilib norjil