Chagatay
ایچیده فندق دیک دانه لری بار خورماغه فی الجمله شباهتی بار مونونک دانه لری کیرد دور اوزون ایماستور بو دانه لارنینک خرما دین یومشاق راق گوشتی بار انی یییدورلار خیلی چسپنده دور چسپنده لیغی دین بعضی ایلیکنی اغیزنی یاغلاب ییر ایمیش لار هم درختی نینک شاخیده بولادور هم تنه سیده ایلدیزیده هم بولور ایمیش درختی دین گویا کیم گیپالارنی اسیپ اسیپ قو یوبتورلار ینه بدهل دور اولوغلوغی المه چه بولغای ایدی یامان ایماس خام لیغیده غریب ترش و بی مزه نیمه دور بیشیغی یامان ایماس یومشاق بیشه دور هر ییریدین ایلیک بیله اوزوب ییسا بولادور مزه سی بیهی نینک گنده بولغانیغه خیلی اوخشار ترش ترش یخشیغنه مزه سی بار ینه بیر دور فارسی کنار دیرلار ایمیش بو انواع بولادور الوچه دین بر نیمه اولوغ راق دور بر نوعی بولادور حسینی اوزوم اندامیده اکثری خیلی یخشی بولمایدور
Latin transcription
Ichida funduq dek donalari bor. Xurmog‘a filjumla shabohati bor. Munung dona-lari girddur, uzun emastur. Bu donalarning xurmodin yumshoqroq go‘shti bor, ani yeydurlar. Xeyli chaspandadur; chaspandalig‘idin ba’zi ilikni og‘izni yog‘lob yer emishlar. Ham diraxtining shoxida bo‘ladur, ham tanasida, ildizida ham bo‘lur emish. Diraxtidin go‘yo kim gipolarni osib-osib qo‘yubturlar. Yana badhal-dur. Ulug‘lug‘i olmacha bo‘lg‘oy. Idi yomon emas. Xomlig‘ida g‘arib tursh va bemaza nimadur. Pishig‘i yomon emas, yumshoq pishadur. Har yeridin ilik bila uzub yesa bo‘ladur. Mazasi bihining ganda bo‘lg‘onig‘a xeyli o‘xshar. Tursh-tursh yaxshig‘ina maza-si bor. Yana birdur, forsi kunor derlar emish. Bu anvo’ bo‘ladur. Oluchadin bir nima ulug‘-roqdur. Bir nav’i bo‘ladur Husayni uzum andomida. Aksari xeyli yaxshi bo‘lmaydur.
Turkish
İçinde fındık gibi çekirdekleri vardır. Genel olarak hurmaya benzer. Bunun çekirdek-leri yuvarlaktır, uzun değildir. Bu çekirdeklerin hurmadan daha yumuşak eti vardır, onu yerler. Çok yapışkandır; yapışkanlığından bazıları ellerini ve ağızlarını yağlayıp yerlermiş. Hem ağacının dalında hem gövdesinde olur, kökünde de olurmuş. Ağacına sanki işkembe dolmaları asmışlardır. Bir de badhal vardır. Büyüklüğü elma kadar olur. Kokusu fena değildir. Hamken tuhaf derecede ekşi ve tatsız bir şeydir. Olgunu fena değildir, yumuşak olgunlaşır. Her yerinden elle koparıp yemek mümkündür. Tadı çürümüş ayvaya çok benzer. Ekşimsi, oldukça hoş bir tadı vardır. Bir de bir vardır; Farsçada kunar derlermiş. Çeşitleri olur. Erikten biraz daha bü-yüktür. Hüseynî üzümü biçiminde bir çeşidi olur. Çoğu pek iyi olmaz.
English
Not yet available.