✺Baburname

navohida men ham garyolni yiroqroqdin ko‘rdum, obodon mushaxxas ko‘rulmadi.

Kaka bolig‘dur, ikki qulog‘i to‘g‘risi ikki so‘ngak chiqibtur. Uzunluqi uch ilik bo‘lg‘oy. Tutqonda bu ikki so‘ngakni tepratadur. G‘arib tavrda un keladur. G‘olibo ul uni jihatidin kaka debturlar. Hinduston bolig‘larining go‘shti laziz bo‘lur idi va qahtlig‘i [?] bo‘lmas. Ajab chust bolig‘lardur. Bir qatla bir suning ikki tarafidin to‘r solib keldilar. To‘rning har tarafi sudin yarim qoridin ko‘prak yuqori edi. Bolig‘larning ko‘praki to‘rdin bir qori yuqoriroq sochrab o‘ttilar.

Yana Hindustonning ba’zi sularida ushoq bolig‘lar bor. Bir qatig‘ un yatovush bo‘lsa, bayakbor sochrab sudin bir qori, bir yarim qori baland chiqadurlar. Yana Hindustonning baqqalari agarchi ushol baqqalar dektur, vale bu baqqalar suning yuzida yetti sekiz qori yuguradurlar. Kim Hinduston maxsusidur, bir anbadur. Aksar Hinduston eli beharakat talaffuz qilurlar. Yomon mutalaffaz bo‘lur uchun ba’zi nag‘zak debturlar.